aaj haazir hai.n dar-e-paak pe shaidaa-e-huzuur

aaj haazir hai.n dar-e-paak pe shaidaa-e-huzuur

saamne aa.nkho.n ke hai marqad-e-aqdas pur-nuur

'arz ham kyaa kare.n sarkaar se haal-e-majbuur

har gha.Dii rahte hai.n maayuus-o-pareshaa.n ranjuur

'arz ham karne ko maa’ruuza-e-Gam aa.e hai.n

qalb-e-pur-dard me.n ummiid-e-karam laa.e hai.n

ik na.ii aatii hai har roz musiibat KHvaaja

saamne Gairo.n ke hotii hai nadaamat KHvaaja

bad se bad-tar bahut ab ho chukii haalat KHvaaja

ho chukii had se fuzuu.n KHvaarii-o-zillat KHvaaja

gardish-e-charKH ne laachaar kiyaa hai ham ko

bad-nasiibii ne giraftaar kiyaa hai ham ko

aap ko sarvar-e-'aalam kii risaalat kii qasam

aal-e-paak aur sahaaba kii KHilaafat kii qasam

piir-e-piiraa.n shah-e-jiilaa.n kii karaamat kii qasam

shaah-e-shaahaa.n shah-e-ajmer kii 'azmat kii qasam

chashm-e-rahmat kaa bahut jald ishaara ho jaaye

paar be.Daa Gam-e-'isyaa.n se hamaaraa ho jaa.e

ab to sarkaar zubuu.n haalo.n pe ho jaa.e karam

in Gulaamo.n pe bahut ho chukii uftaad-e-sitam

duur ho jaa.e musiibat na rahe ko.ii alam

maa-sivaa aap ke ko.ii nahii.n apnaa hamdam

lutf se aap ke muhtaaj Ganii hote hai.n

ik ishaare se gunahgaar valii hote hai.n

aap ko mohtaram islaam kaa sadqa KHvaaja

aal-aulaad kaa aKHlaaf kaa sadqa KHvaaja

paak-baaz aap ke ausaaf kaa sadqa KHvaaja

ho 'ataa sidaq kaa insaaf kaa sadqa KHvaaja

KHaana-zaado.n pe karam ai shah-e-shaahaa.n kiijiye

faiz-e-nisbat se hame.n sachchaa musalmaa.n kiijiye

aaj hai 'urs kaa din auj pe faizaa.n hai aaj

josh pe fazl-o-karam rahmat-e-rahmaa.n hai aaj

’aarif-e-haq ko muyassar mai-e-'irfaa.n hai aaj

haazirii.n kaa dar aqdas pe ye iimaa.n hai aaj

lutf se aap ke taqdiir badal jaatii hai

aap gar chaahe.n to aa.ii hu.ii Tal jaatii hai

jaam 'irfaa.n kaa to ham ko bhii 'ataa ho jaa.e

dard ke dil ke hamaarii bhii davaa ho jaa.e

lutf kii ek nazar bahar KHudaa ho jaaye

aur maqbuul hamaarii ye du'aa ho jaaye

kabhii qadmo.n se judaa.ii na ho sarkaar hame.n

baa'd-e-murdan bhii mayassar rahe darbaar hame.n

go gunahgaar KHataa-kaar hai.n bad-kaar hai.n ham

bahr-e-'isyaa.n ke talaatum me.n giraftaar hai.n ham

be-kas-o-be-bas-o-majbuur hai.n laa-chaar hai.n ham

phir bhii ai maalik-e-kul banda-e-sarkaar hai.n ham

dono.n 'aalam me.n ba.Dii chiiz hai shaahii terii

baadshaahii se bhii ba.Dh kar hai gadaa.ii terii

aap kaa qaul-o-'amal dast-o-nazar jumbish-e-paa

taabe'-e-hukm-e-KHudaa hukm-e-nabii salle-’alaa

aap hai.n vaasil-e-haq hai.n KHaasaan-e-KHudaa

haq ne farmaa.ii pasand aap kii har ek adaa

maGfirat ho ga.ii yaqiinan hai bharosa apnaa

aap ko ham ne banaayaa hai vasiila apnaa

ta.ngii-e-rizq se iflaas se majbuur na ho.n

zulm kii kaalii ghaTaa se kabhii maqhuur na ho.n

'ishrat-e-'aish kii lazzat se mas.huur na ho.n

aap ke baab-e-karam se kabhii ham duur na ho.n

zindagii-bhar na qadam aap ke chho.De.n maulaa

aaKHirii dam usii chaukhaT pe hii to.De.n maulaa

ab saliiqe kaa hai roza na qariine kii namaaz

ko.ii kirdaar hamaaraa nahii.n hai baa'is-e-naaz

dar-e-aqdas pe jhukaa lete hai.n sar bahr-e-niyaaz

bandagii kaa hame.n haasil hai ye 'naazir' e'azaaz

markaz-e-sajda hai maKHsuus ye kaa'ba apnaa

'afv baKHshish kaa vasiila hai anokhaa apnaa

aaj haazir hai.n dar-e-paak pe shaidaa-e-huzuur

saamne aa.nkho.n ke hai marqad-e-aqdas pur-nuur

'arz ham kyaa kare.n sarkaar se haal-e-majbuur

har gha.Dii rahte hai.n maayuus-o-pareshaa.n ranjuur

'arz ham karne ko maa’ruuza-e-Gam aa.e hai.n

qalb-e-pur-dard me.n ummiid-e-karam laa.e hai.n

ik na.ii aatii hai har roz musiibat KHvaaja

saamne Gairo.n ke hotii hai nadaamat KHvaaja

bad se bad-tar bahut ab ho chukii haalat KHvaaja

ho chukii had se fuzuu.n KHvaarii-o-zillat KHvaaja

gardish-e-charKH ne laachaar kiyaa hai ham ko

bad-nasiibii ne giraftaar kiyaa hai ham ko

aap ko sarvar-e-'aalam kii risaalat kii qasam

aal-e-paak aur sahaaba kii KHilaafat kii qasam

piir-e-piiraa.n shah-e-jiilaa.n kii karaamat kii qasam

shaah-e-shaahaa.n shah-e-ajmer kii 'azmat kii qasam

chashm-e-rahmat kaa bahut jald ishaara ho jaaye

paar be.Daa Gam-e-'isyaa.n se hamaaraa ho jaa.e

ab to sarkaar zubuu.n haalo.n pe ho jaa.e karam

in Gulaamo.n pe bahut ho chukii uftaad-e-sitam

duur ho jaa.e musiibat na rahe ko.ii alam

maa-sivaa aap ke ko.ii nahii.n apnaa hamdam

lutf se aap ke muhtaaj Ganii hote hai.n

ik ishaare se gunahgaar valii hote hai.n

aap ko mohtaram islaam kaa sadqa KHvaaja

aal-aulaad kaa aKHlaaf kaa sadqa KHvaaja

paak-baaz aap ke ausaaf kaa sadqa KHvaaja

ho 'ataa sidaq kaa insaaf kaa sadqa KHvaaja

KHaana-zaado.n pe karam ai shah-e-shaahaa.n kiijiye

faiz-e-nisbat se hame.n sachchaa musalmaa.n kiijiye

aaj hai 'urs kaa din auj pe faizaa.n hai aaj

josh pe fazl-o-karam rahmat-e-rahmaa.n hai aaj

’aarif-e-haq ko muyassar mai-e-'irfaa.n hai aaj

haazirii.n kaa dar aqdas pe ye iimaa.n hai aaj

lutf se aap ke taqdiir badal jaatii hai

aap gar chaahe.n to aa.ii hu.ii Tal jaatii hai

jaam 'irfaa.n kaa to ham ko bhii 'ataa ho jaa.e

dard ke dil ke hamaarii bhii davaa ho jaa.e

lutf kii ek nazar bahar KHudaa ho jaaye

aur maqbuul hamaarii ye du'aa ho jaaye

kabhii qadmo.n se judaa.ii na ho sarkaar hame.n

baa'd-e-murdan bhii mayassar rahe darbaar hame.n

go gunahgaar KHataa-kaar hai.n bad-kaar hai.n ham

bahr-e-'isyaa.n ke talaatum me.n giraftaar hai.n ham

be-kas-o-be-bas-o-majbuur hai.n laa-chaar hai.n ham

phir bhii ai maalik-e-kul banda-e-sarkaar hai.n ham

dono.n 'aalam me.n ba.Dii chiiz hai shaahii terii

baadshaahii se bhii ba.Dh kar hai gadaa.ii terii

aap kaa qaul-o-'amal dast-o-nazar jumbish-e-paa

taabe'-e-hukm-e-KHudaa hukm-e-nabii salle-’alaa

aap hai.n vaasil-e-haq hai.n KHaasaan-e-KHudaa

haq ne farmaa.ii pasand aap kii har ek adaa

maGfirat ho ga.ii yaqiinan hai bharosa apnaa

aap ko ham ne banaayaa hai vasiila apnaa

ta.ngii-e-rizq se iflaas se majbuur na ho.n

zulm kii kaalii ghaTaa se kabhii maqhuur na ho.n

'ishrat-e-'aish kii lazzat se mas.huur na ho.n

aap ke baab-e-karam se kabhii ham duur na ho.n

zindagii-bhar na qadam aap ke chho.De.n maulaa

aaKHirii dam usii chaukhaT pe hii to.De.n maulaa

ab saliiqe kaa hai roza na qariine kii namaaz

ko.ii kirdaar hamaaraa nahii.n hai baa'is-e-naaz

dar-e-aqdas pe jhukaa lete hai.n sar bahr-e-niyaaz

bandagii kaa hame.n haasil hai ye 'naazir' e'azaaz

markaz-e-sajda hai maKHsuus ye kaa'ba apnaa

'afv baKHshish kaa vasiila hai anokhaa apnaa