hazrat-e-KHvaaja nizaamuddiin chishtii assalaam

hazrat-e-KHvaaja nizaamuddiin chishtii assalaam

aap kaa dar saare 'aalam ke liye daarussalaam

aap kii tausiif kyaa ho aap kii taa'riif kyaa

aap mahbuub-e-ilaahii rahmat-e-kHairul-anaam

hai tamannaa merii aaqaa mai.n jidhar dekhuu.n udhar

raushnii hii raushnii haq kii nazar aa.e mudaam

ho fanaa qalb-o-nazar hubb-e-nabii me.n is qadar

dil me.n un kii yaad ho aur lab pe har dam un kaa naam

mulk ho jannat-nishaa.n duniyaa me.n sab KHush-haal ho.n

ta.ng-dastii faaqa-mastii kaa rahe baaqii na naam

dostii hii dostii ho har taraf amn-o-amaa.n

bhuul kar bhii le kahii.n ko.ii na phir nafrat kaa naam

tishna-kaamaan-e-mohabbat aa.e hai.n paane muraad

dekh liije ik nazar mahbuub-e-rabb-e-zul-kiraam

taalibaan-e-faiz ke bhar diije daamaan-e-muraad

bhiik lene aa.e hai.n aaqaa Gulaamaan-e-Gulaam

vaasta maulaa 'alii kaa vaasta hasnain kaa

vaasta KHaatuun-e-jannat kaa mile vahdat kaa jaam

vaasta hindal-valii kaa laaj rakh liije mirii

surkH-ruu dono.n jahaa.n me.n kiijiye aur shaad-kaam

qutubuddii.n kaa aur fariiduddiin kaa sadqa mile

sair ho jaa.e.n KHudaa raa aaj saare tishna-kaam

ne'amato.n se do jahaa.n kii sab ko kiije sarfaraaz

ai sakhii ibn-e-sakhii bhar jaa.e.n sab ke KHaalii jaam

ham rahe.n mahruum-e-qismat ye to ho saktaa nahii.n

faiz paate hai.n dar-e-aqdas se jabki KHaas-o-'aam

is 'nizaamii' par karam kii ik nazar farmaa.iye

diin-o-duniyaa me.n munazzam kiijiye dil kaa nizaam

hazrat-e-KHvaaja nizaamuddiin chishtii assalaam

aap kaa dar saare 'aalam ke liye daarussalaam

aap kii tausiif kyaa ho aap kii taa'riif kyaa

aap mahbuub-e-ilaahii rahmat-e-kHairul-anaam

hai tamannaa merii aaqaa mai.n jidhar dekhuu.n udhar

raushnii hii raushnii haq kii nazar aa.e mudaam

ho fanaa qalb-o-nazar hubb-e-nabii me.n is qadar

dil me.n un kii yaad ho aur lab pe har dam un kaa naam

mulk ho jannat-nishaa.n duniyaa me.n sab KHush-haal ho.n

ta.ng-dastii faaqa-mastii kaa rahe baaqii na naam

dostii hii dostii ho har taraf amn-o-amaa.n

bhuul kar bhii le kahii.n ko.ii na phir nafrat kaa naam

tishna-kaamaan-e-mohabbat aa.e hai.n paane muraad

dekh liije ik nazar mahbuub-e-rabb-e-zul-kiraam

taalibaan-e-faiz ke bhar diije daamaan-e-muraad

bhiik lene aa.e hai.n aaqaa Gulaamaan-e-Gulaam

vaasta maulaa 'alii kaa vaasta hasnain kaa

vaasta KHaatuun-e-jannat kaa mile vahdat kaa jaam

vaasta hindal-valii kaa laaj rakh liije mirii

surkH-ruu dono.n jahaa.n me.n kiijiye aur shaad-kaam

qutubuddii.n kaa aur fariiduddiin kaa sadqa mile

sair ho jaa.e.n KHudaa raa aaj saare tishna-kaam

ne'amato.n se do jahaa.n kii sab ko kiije sarfaraaz

ai sakhii ibn-e-sakhii bhar jaa.e.n sab ke KHaalii jaam

ham rahe.n mahruum-e-qismat ye to ho saktaa nahii.n

faiz paate hai.n dar-e-aqdas se jabki KHaas-o-'aam

is 'nizaamii' par karam kii ik nazar farmaa.iye

diin-o-duniyaa me.n munazzam kiijiye dil kaa nizaam