سزد برشانِ تو عالم پناہی، نظام الدین محبوبِ الٰہی

سزد برشانِ تو عالم پناہی، نظام الدین محبوبِ الٰہی

زہے اوج جمالِ خانقاہی

مٹا دی ساری دنیا کی سیاہی

یہ ہے امکانِ عالم کی گواہی

فقیروں کو عطا کی بادشاہی

سزد برشانِ تو عالم پناہی، نظام الدین محبوبِ الٰہی

شریعت ساز تیری ہر نوا ہے

طریقت ساز تیری ہر ادا ہے

حقیقت ساز تیرا مدّعا ہے

تو محبوبِ نبی نورِ خدا ہے

سزد برشانِ تو عالم پناہی، نظام الدین محبوبِ الٰہی

ہے سلطان المشائخ تیرا رتبہ

نظر افروز ہے ہر تیرا جلوہ

ازل سے تا ابد ہے تیرا چرچا

قیامت تک رہے گا بول بالا

سزد برشانِ تو عالم پناہی، نظام الدین محبوبِ الٰہی

عرب میں ہر طرف ہلچل مچی ہے

کہ اسرائیل سے جنگ ٹھن گئی ہے

پسِ منظر یہ قومی دشمنی ہے

مدد کا وقت اے ابنِ علی ہے

سزد برشانِ تو عالم پناہی، نظام الدین محبوبِ الٰہی

سگِ دربار ناظرؔ اک گدا ہے

تمہارے در کا اِس کا آسرا ہے

وسیلہ اِس کو حاصل آپ کاہے

بہ ربطِ پیر ضامن یہ دعا ہے

سزد برشانِ تو عالم پناہی، نظام الدین محبوبِ الٰہی