سلام اے ارضِ کلیّر مظہرِ انوارِ ربّانی

سلام اے ارضِ کلیّر مظہرِ انوارِ ربّانی

سلام اے تربتِ خواجہ علاء الدین نوارانی

بحقِ خواجۂ ہندالولی مخدوم سُن لیجے

مجھے گھیرے ہوئے ہے ہر طرف سے غم کی طغیانی

طفیلِ خواجہ قطب الدین قطبِ دو جہاں حضرت

نگاہِ لطف سے کر دیجئے سب دور حیرانی

فریدی نام لیوا ہوں، نظامی در سے آیا ہوں

کرم سےاپنے اے صابرؒ مٹا دیجے پریشانی

چراغِ دہلوی کی روشنیِ پاک کا صدقہ

جلا دیجئے مرے دل میں بھی ایک قندیل نورانی

تمہارے سلسلے کی روشنی ہیں خواجۂ خانونؒ

مرے مرشد مرے شاہِ ولایت ظلِّ سبحانی

وسیلہ لے کے میں اُن کا تمہارے در پہ آیا ہوں

دعا یہ ہے کہ حاصل ہو مجھے انعامِ روحانی

مئے عرفاں پلا دیجئے، مجلیٰ قلب کر دیجے

رہے باقی نہ میرے دل میں کوئی شرِّ نفسانی

بہ ربطِ جملہ اربابِ سلاسل صاحبِ نسبت

سفینہ پار ہو جائے بشکلِ نوحِ طوفانی

بجز اِس کے نہیں کوئی تمنا اپنی اے ناظرؔ

قیامت تک رہے حاصل درِ اقدس کی دربانی