جاری ہے ہر زبان پہ چرچہ حسین کا

جاری ہے ہر زبان پہ چرچہ حسین کا

کتنا عظیم و اعلیٰ ہے رتبہ حسین کا

نبیوں کا بھی امام ہے نانا حسین کا

اور ہے امام ولیوں کا بابا حسین کا

عشاق اہلِ بیت ہی جنت میں جائیں گے

دعویٰ مرے نبی کا ہے، دعویٰ حسین کا

نامِ حسین سنتے ہی جل بھن کے مر گیے

اب تک یزیدیوں پہ ہے غلبہ حسین کا

روشن ہیں چاند تارے بھی نورِ حسین سے

اتنا حسین چہرا ہے، چہرا حسین کا

گزرے تھے جس سے لے کے وہ خوشبوئے جسمِ پاک

اب تک مہک رہا ہے وہ کوچہ حسین کا

جس کو حسین لفظ سے کچھ واسطہ نہیں

کیسے سمجھ وہ پائے گا معنیٰ حسین کا

شایانؔ اہلِ بیت سے الفت انہی کو ہے

جنت میں جو اٹھائیں گے جھنڈا حسین کا