kuchh kufr ne fitne phailaa.e kuchh zulm ne sho'le bha.Dkaa.e

kuchh kufr ne fitne phailaa.e kuchh zulm ne sho'le bha.Dkaa.e

siino.n me.n 'adaavat jaag uThii insaan se insaa.n Takraa.e

paamaal kiyaa barbaad kiyaa kamzor ko taaqat vaalo.n ne

jab zulm-o-sitam had se guzre tashriif mohammad le aa.e

rahmat kii ghaTaa.e.n lahraa.ii.n duniyaa kii ummiide.n bar aa.ii.n

ikraam-o-'ataa kii baarish kii aKHlaaq ke motii barsaa.e

tahziib kii sham.e.n raushan kii.n uu.nTo.n ke churaane vaalo.n ne

kaa.nTo.n ko gulo.n kii qismat dii zarro.n ke muqaddar chamkaa.e

kuchh kaif diyaa kuchh hoshyaarii kuchh soz diyaa kuchh saaz diyaa

mai-kHaana-e-'ilm-o-'irfaa.n me.n tauhiid ke saaGar chhalkaa.e

har chiiz ko raa'naa.ii de kar duniyaa ko hayaat-e-nau baKHshii

sub.ho.n ke bhii chehro.n ko dhoyaa raato.n ke bhii gesuu suljhaa.e

allaah se rishte ko jo.Daa baatil ke tilismo.n ko to.Daa

KHud vaqt ke dhaare ko mo.Daa tuufaa.n me.n safiine tairaa.e

makka kii zamii.n aur 'arsh kahaa.n dam bhar me.n yahaa.n pal bhar me.n vahaa.n

patthar ko 'ataa goyaa.ii kii aur chaa.nd ke Tuk.De farmaa.e

mazluumo.n kii fariyaad sunii majbuuro.n kii Gam-KHvaarii kii

zaKHmo.n pe KHunuk marham rakhe be-chain dilo.n ke kaam aa.e

'aurat ko hayaa kii chaadar dii Gairat kaa Gaaza bhii baKHshaa

shiisho.n me.n nazaakat paidaa kii kirdaar ke jauhar chamkaa.e

tauhiid kaa dhaaraa ruk na sakaa islaam kaa parcham jhuk na sakaa

kuffaar bahut kuchh jhu.njlaa.e shaitaa.n ne hazaaro.n bal khaa.e

ai naam-e-mohamaad sall-e-'alaa 'maahir' ke liye tuu sab kuchh hai

ho.nTo.n pe tabassum bhii aayaa aa.nkho.n me.n bhii aa.nsuu bhar aay

kuchh kufr ne fitne phailaa.e kuchh zulm ne sho'le bha.Dkaa.e

siino.n me.n 'adaavat jaag uThii insaan se insaa.n Takraa.e

paamaal kiyaa barbaad kiyaa kamzor ko taaqat vaalo.n ne

jab zulm-o-sitam had se guzre tashriif mohammad le aa.e

rahmat kii ghaTaa.e.n lahraa.ii.n duniyaa kii ummiide.n bar aa.ii.n

ikraam-o-'ataa kii baarish kii aKHlaaq ke motii barsaa.e

tahziib kii sham.e.n raushan kii.n uu.nTo.n ke churaane vaalo.n ne

kaa.nTo.n ko gulo.n kii qismat dii zarro.n ke muqaddar chamkaa.e

kuchh kaif diyaa kuchh hoshyaarii kuchh soz diyaa kuchh saaz diyaa

mai-kHaana-e-'ilm-o-'irfaa.n me.n tauhiid ke saaGar chhalkaa.e

har chiiz ko raa'naa.ii de kar duniyaa ko hayaat-e-nau baKHshii

sub.ho.n ke bhii chehro.n ko dhoyaa raato.n ke bhii gesuu suljhaa.e

allaah se rishte ko jo.Daa baatil ke tilismo.n ko to.Daa

KHud vaqt ke dhaare ko mo.Daa tuufaa.n me.n safiine tairaa.e

makka kii zamii.n aur 'arsh kahaa.n dam bhar me.n yahaa.n pal bhar me.n vahaa.n

patthar ko 'ataa goyaa.ii kii aur chaa.nd ke Tuk.De farmaa.e

mazluumo.n kii fariyaad sunii majbuuro.n kii Gam-KHvaarii kii

zaKHmo.n pe KHunuk marham rakhe be-chain dilo.n ke kaam aa.e

'aurat ko hayaa kii chaadar dii Gairat kaa Gaaza bhii baKHshaa

shiisho.n me.n nazaakat paidaa kii kirdaar ke jauhar chamkaa.e

tauhiid kaa dhaaraa ruk na sakaa islaam kaa parcham jhuk na sakaa

kuffaar bahut kuchh jhu.njlaa.e shaitaa.n ne hazaaro.n bal khaa.e

ai naam-e-mohamaad sall-e-'alaa 'maahir' ke liye tuu sab kuchh hai

ho.nTo.n pe tabassum bhii aayaa aa.nkho.n me.n bhii aa.nsuu bhar aay