نورِ احمد کی ضیا عالی نسب زینب میں ہے

نورِ احمد کی ضیا عالی نسب زینب میں ہے

جذبۂ شیرِ خدا فخرِ عرب زینب میں ہے

رخ کو بالوں سے ڈھکا ہے اور نظر نیچی کیے

کوفے کی گلیوں میں وہ دیکھا ادب زینب میں ہے

کانپتا ہے تخت پر بیٹھا ہوا ظالم یزید

وہ جلال شیر یزداں خاص اب زینب میں ہے

گھر لٹا کر بھی دعا کرتی ہیں امت کے لیے

جذبۂ ایثار و قربانی عجب زینب میں ہے

ذکر ان کا کر رہے ہیں اس لیے ہم با ادب

دینِ احمد کا سبھی علم و ادب زینب میں ہے

کردیے عون و محمد دین پر قربان خود

جذبۂ مولیٰ علی بھی سب کا سب زینب میں ہے

تربیت زہرا کی ہے کردار سے احمد عیاں

ہر عطائے مصطفیٰ قرآن رب زینب میں ہے