جلوۂ نورِ خدا صل علیٰ کچھ اور ہے

جلوۂ نورِ خدا صل علیٰ کچھ اور ہے

عظمتِ مولیٰ علی شیرِ خدا کچھ اور ہے

باخدا کچھ اور ہی ہے باخدا کچھ اور ہے

شاہِ مرداں شیرِ یزداں کی ادا کچھ اور ہے

پیتے ہی وحدانیت روحانیت مل جائے گی

میکشو مولیٰ علی کا میکدہ کچھ اور ہے

دینِ احمد کا علی ہیں وہ چمکتا آفتاب

جن کی عظمت اور رنگت اور ضیا کچھ اور ہے

ہے زمین و آسماں سب پر علی مولیٰ کی دھوم

دوجہاں میں نامِ حیدر کی ضیا کچھ اور ہے

مرتبے اور مسندوں والے یہی کہتے ہیں بس

خم کے ممبر پر علی کا مرتبہ کچھ اور ہے

نقش پا پاتے ہی احمدؔ سرفرازی مل گئی

با خدا مولیٰ علی کا نقش پا کچھ اور ہے