جلوہ_نور_خدا صل_علیٰ کچھ اور ہے

جلوہ نور خدا صل علیٰ کچھ اور ہے

عظمت مولیٰ علی شیر خدا کچھ اور ہے

با خدا کچھ اور ہی ہے با خدا کچھ اور ہے

شاہ مرداں شیر یزداں کی ادا کچھ اور ہے

پیتے ہی وحدانیت روحانیت مل جائے گی

مے کشو مولیٰ علی کا مے کدہ کچھ اور ہے

دین احمد کا علی ہیں وہ چمکتا آفتاب

جن کی عظمت اور رنگت اور ضیا کچھ اور ہے

ہے زمین و آسماں سب پر علی مولیٰ کی دھوم

دو جہاں میں نام حیدر کی ضیا کچھ اور ہے

مرتبے اور مسندوں والے یہی کہتے ہیں بس

خم کے ممبر پر علی کا مرتبہ کچھ اور ہے

نقش پا پاتے ہی احمدؔ سرفرازی مل گئی

با خدا مولیٰ علی کا نقش پا کچھ اور ہے