nasiim-e-baaG-e-madiina un ko daruud pa.Dh kar salaam kahnaa

nasiim-e-baaG-e-madiina un ko daruud pa.Dh kar salaam kahnaa

qasam hai sub.h-e-azal kii tujh ko meraa sandesa tamaam kahnaa

merii mohabbat ke phuul chun le zaraa tham aadaab 'ishq sun le

nigaah-e-haq se kalaam karnaa zabaan-e-dil se payaam kahnaa

agar chale zikr-e-jaanisaaraa.n hariim-e-mahbuub-e-kiriyaa me.n

to daur-e-uftaada dard-mando.n kaa sar jhukaa kar salaam kahnaa

adab kaa daaman na chhuTne paa.e bayaa.n adhuuraa hii rah na jaa.e

guzar rahii hai jo ham pe kahnaa magar ba-sad ehtiraam kahnaa

nazar unhii.n kii badal sakegii hamaarii taqdiir ai payaamii

har ek mushkil pe baargaah-e-habiib-e-'aalii maqaam kahnaa

hai ye bhii mumkin shaah-e-dauraa.n hadiis-e-'ushshaaq KHud hii puuchhe

Gariib-e-‘mahshar’ ke bhii hikaayat huzuur-e-KHair-ul-anaam kahnaa

nasiim-e-baaG-e-madiina un ko daruud pa.Dh kar salaam kahnaa

qasam hai sub.h-e-azal kii tujh ko meraa sandesa tamaam kahnaa

merii mohabbat ke phuul chun le zaraa tham aadaab 'ishq sun le

nigaah-e-haq se kalaam karnaa zabaan-e-dil se payaam kahnaa

agar chale zikr-e-jaanisaaraa.n hariim-e-mahbuub-e-kiriyaa me.n

to daur-e-uftaada dard-mando.n kaa sar jhukaa kar salaam kahnaa

adab kaa daaman na chhuTne paa.e bayaa.n adhuuraa hii rah na jaa.e

guzar rahii hai jo ham pe kahnaa magar ba-sad ehtiraam kahnaa

nazar unhii.n kii badal sakegii hamaarii taqdiir ai payaamii

har ek mushkil pe baargaah-e-habiib-e-'aalii maqaam kahnaa

hai ye bhii mumkin shaah-e-dauraa.n hadiis-e-'ushshaaq KHud hii puuchhe

Gariib-e-‘mahshar’ ke bhii hikaayat huzuur-e-KHair-ul-anaam kahnaa