mai.n mo'taqid huu.n 'ishq-e-KHush-'andaliib kaa

mai.n mo'taqid huu.n 'ishq-e-KHush-'andaliib kaa

kahte hai.n gul-e-'araq hai KHudaa ke habiib kaa

kab sumbul-e-bahisht mo'attar kare dimaaG

gar pahu.nche nafa' uske na gesuu kii tiib kaa

de 'aql-e-kul ko tifl-e-dabistaa.n jahaa.n sabaq

is madrasa me.n tujh ko laqab hai adiib kaa

garduu.n pe 'ishrat-e-shab-e-me’araaj kaa nishaa.n

ab tak hinaa me.n haath hai kaf-ul-KHuziib kaa

aavaaz maa.njhte rahe daa.uud 'umr bhar

is aarzuu me.n kaam le us se naqiib kaa

farKHunda baKHt hai vo jo ummat me.n hai tirii

armaa.n payambaro.n ko rahaa us nasiib kaa

kahiye hidaayat us ko KHudaa se milaa diyaa

rastaa dikhaa diyaa hame.n aisaa qariib kaa

duniyaa me.n naam ko na rahaa kufr kaa maraz

dho dho ke paa.nv piiji.e aise tabiib kaa

sadqa hasan husain kaa us vaqt yaa rasuul

honaa shafii.a apne 'shahiidii' Gariib kaa

mai.n mo'taqid huu.n 'ishq-e-KHush-'andaliib kaa

kahte hai.n gul-e-'araq hai KHudaa ke habiib kaa

kab sumbul-e-bahisht mo'attar kare dimaaG

gar pahu.nche nafa' uske na gesuu kii tiib kaa

de 'aql-e-kul ko tifl-e-dabistaa.n jahaa.n sabaq

is madrasa me.n tujh ko laqab hai adiib kaa

garduu.n pe 'ishrat-e-shab-e-me’araaj kaa nishaa.n

ab tak hinaa me.n haath hai kaf-ul-KHuziib kaa

aavaaz maa.njhte rahe daa.uud 'umr bhar

is aarzuu me.n kaam le us se naqiib kaa

farKHunda baKHt hai vo jo ummat me.n hai tirii

armaa.n payambaro.n ko rahaa us nasiib kaa

kahiye hidaayat us ko KHudaa se milaa diyaa

rastaa dikhaa diyaa hame.n aisaa qariib kaa

duniyaa me.n naam ko na rahaa kufr kaa maraz

dho dho ke paa.nv piiji.e aise tabiib kaa

sadqa hasan husain kaa us vaqt yaa rasuul

honaa shafii.a apne 'shahiidii' Gariib kaa