اللہ رے فیض_عام در_دستگیر کا

اللہ رے فیض عام در دستگیر کا

صدقہ ہر ایک پاتا ہے پیران پیر کا

ٹکڑا ہر ایک جھولی میں ان کا ضرور ہے

سب پر کرم ہے میرے شہ بے نظیر کا

بازی اسی کے ہاتھ ہے دونوں جہان کی

دامن ہے جس کے ہاتھ میں پیران پیر کا

دشمن اگر قویست نگہباں قوی تراست

بندہ ہوں ایک مظہر رب قدریر کا

یہ بندہ پروری کی ادا بھی عجیب ہے

کچھ فرق ہی نہیں ہے امیر و فقیر کا

رتبہ سمجھ میں آ نہیں سکتا خدا گواہ

اتنا بڑا مقام ہے پیران پیر کا

آئینہ لے کے اپنی اداؤں پہ لوٹ ہے

صیاد خود شکار ہے اپنے ہی تیر کا

ہم جی رہے ہیں صرف انہیں کی پناہ میں

سایہ بھی کیسی چیز ہے پیروں کے پیر کا

کاملؔ نبی کے بعد بروں کو سمیٹنا

حصہ ہے صرف حضرت پیران پیر کا