نازش_اہل_سنن مخدوم_دوراں آپ ہیں

نازش اہل سنن مخدوم دوراں آپ ہیں

حامل عز و شرف محبوب و ذیشاں آپ ہیں

مرجع اہل عقیدت آپ کا دربار ہے

تکیہ گاہ مفلس و خیل غریباں آپ ہیں

جس کی تابش سے منور ہے جہان سنیت

وہ سمائے رشد کا مہر درخشاں آپ ہیں

صورت حرف جلی لکھا ہے لوح عشق پر

یادگار سرخی خون شہیداں آپ ہیں

عاشق شاہ مدینہ کے لئے ظل کرم

شاتم آقا کی خاطر سیف براں آپ ہیں

اے پیا شہباز اے تابانی بزم تقیٰ

فضل رب سے آشنائے راہ عرفاں آپ ہیں

ہر گھڑی ہوتا رہے گا آپ کا ذکر جمیل

جان محفل جان گل جان بہاراں آپ ہیں

آخرش واصفؔ رضا یہ کہہ کے رکھتا ہے قلم

وارث علم شہنشاہ رسولاں آپ ہیں