mohammad kamlii vaale ko KHudaa se khelte dekhaa

KHaliilullaah ko aatish-fishaa.n se khelte dekhaa

zabiihullaah ko haq kii razaa se khelte dekhaa

kaliim-ullaah ko innii anaa se khelte dekhaa

haliima ko mohammad mustafaa se khelte dekhaa

mohammad kamlii vaale ko KHudaa se khelte dekhaa

janaab ayyuub ko sabr-o-razaa se khelte dekhaa

lab-e-mansuur ko haq kii sadaa se khelte dekhaa

pashemaanii-e-aadam ko du'aa se khelte dekhaa

valii-o-ambiyaa ko har balaa se khelte dekhaa

mohammad ke navaaso.n ko qazaa se khelte dekhaa

mohammad kii savaarii jab ki sidrat-ul-muntahaa pahu.nchii

to ummat ke ma’aasii ke liye pesh ik 'arzii

mu.aafiq me.n nabii ke jab KHudaa ne puurii har zid kii

ba-juz pyaare nabii ke ye faziilat aur kis ko thii

mohammad ko shab-e-asraa KHudaa se khelte dekhaa

mohammad kamlii vaale ko KHudaa se khelte dekhaa

vo burraaq jis pe pa.Dii thii jul

thaa liye hu.e vo suruur mul

cha.Dhe us pe aa ke shah-e-rusul

to u.Daa vo suurat-e-buu-e-gul

kyaa tai jo us ne havaa kaa pul

to falak pe bajne lage duhul

the farishte shah ke jalu me.n kul

thaa haTo ba.Dho kii 'evaz ye Gul

mohammad kamlii vaale ko KHudaa se khelte dekhaa

sunaa.e.n aaj ham tum ko shab-e-me'araaj kaa qissa

'arsh ke nazdiik pahu.nche jab shah-e-har-dosraa

aur chaahaa ki kare.n naa'lain paa.nv se judaa

yak-ba-yak vahdat ke parde se lagii aane nidaa

kyuu.n ruke aa.o maa'hu naa'lain-e-ahmad-e-mustafaa

kaa.nptaa hai 'arsh dekho taalib-e-naa'lain hai

chuum lene do use naa'lain ye be-chain hai

tab kahaa hazrat ne haq se ai mire parvardigaar

tere is lutf-o-karam par meraa jaan-o-dil nisaar

hukm muusaa ko hu.aa thaa tuur par ki hoshiyaar

mere jalvo.n kaa adab kar paa.nv se naa'lain utaar

aur mujh pe ye karam teraa KHudaa-e-bahr-o-bar

tuu ne bulvaayaa mujhe naa'lain pahu.nche 'arsh par

phir nidaa aa.ii zaraa is baat par bhii Gaur ho

tum kahaa.n muusaa kahaa.n vo aur the tum aur ho

vo nabii the yaa mohammad tum hamaare nuur ho

baat kal kii bhuulte ho KHud charaaG-e-tuur par

tum pe sadqe yuusuf-o-yaa'quub balki har nabii

vo faqat taalib the tum taalib bhii ho matluub bhii

mohammad kamlii vaale ko KHudaa se khelte dekhaa

mohammad ke navaaso.n ko qazaa se khelte dekhaa

jis gha.Dii vo laal sa.ng-e-zulam se to.Daa gayaa

yaa'nii is ke halaq par ik KHanjar-e-burraa.n chalaa

ik kabuutar lauT kar un ke lahuu me.n a.D gayaa

jaa ke gumbad par rasuulullaah ke kahne lagaa

yaa mohammad karbalaa me.n luuTaa bechaara gayaa

aap kaa pyaaraa navaasaa sajde me.n maaraa gayaa

jis jagah lete the bose tum habiib-e-kirdgaar

us jagah zaalim ne pheraa KHanjar-e-KHuu.n aab-daar

mohammad ke navaaso.n ko qazaa se khelte dekhaa

haakim kaa hukm ye hai ki paanii bashar piye.n

gho.De piye.n savaar piye.n jaanvar piye.n

kaafir talak piye.n to mana' tuu na kiijiyo

ik faatima ke laal ko paanii na diijiyo

us ne haq karbalaa me.n adaa kar diyaa

apne naanaa kaa vaa'da vafaa kar diyaa

ghar ke ghar ko supurd-e-qazaa kar diyaa

sab kuchh ummat kii KHaatir fidaa kar diyaa

haaye vo shakl-e-nuurii miTaa.ii ga.ii

pyaas tiiro.n se jis kii bujhaa.ii ga.ii

sirf chhe maah kii 'umr paa.ii ga.ii

naam thaa jis kaa mash.huur qaasim banaa

us kii shaadii kaa armaan dil me.n rahaa

us ke sar par shahaadat kaa sahraa bandhaa

jum.a kaa roz thaa yaaro dopahar Dhaltii thii

chhurii husain ke pyaase gale pe chaltii thii

mohammad ke navaaso.n ko qazaa se khelte dekhaa

KHaliilullaah ko aatish-fishaa.n se khelte dekhaa

zabiihullaah ko haq kii razaa se khelte dekhaa

kaliim-ullaah ko innii anaa se khelte dekhaa

haliima ko mohammad mustafaa se khelte dekhaa

mohammad kamlii vaale ko KHudaa se khelte dekhaa

janaab ayyuub ko sabr-o-razaa se khelte dekhaa

lab-e-mansuur ko haq kii sadaa se khelte dekhaa

pashemaanii-e-aadam ko du'aa se khelte dekhaa

valii-o-ambiyaa ko har balaa se khelte dekhaa

mohammad ke navaaso.n ko qazaa se khelte dekhaa

mohammad kii savaarii jab ki sidrat-ul-muntahaa pahu.nchii

to ummat ke ma’aasii ke liye pesh ik 'arzii

mu.aafiq me.n nabii ke jab KHudaa ne puurii har zid kii

ba-juz pyaare nabii ke ye faziilat aur kis ko thii

mohammad ko shab-e-asraa KHudaa se khelte dekhaa

mohammad kamlii vaale ko KHudaa se khelte dekhaa

vo burraaq jis pe pa.Dii thii jul

thaa liye hu.e vo suruur mul

cha.Dhe us pe aa ke shah-e-rusul

to u.Daa vo suurat-e-buu-e-gul

kyaa tai jo us ne havaa kaa pul

to falak pe bajne lage duhul

the farishte shah ke jalu me.n kul

thaa haTo ba.Dho kii 'evaz ye Gul

mohammad kamlii vaale ko KHudaa se khelte dekhaa

sunaa.e.n aaj ham tum ko shab-e-me'araaj kaa qissa

'arsh ke nazdiik pahu.nche jab shah-e-har-dosraa

aur chaahaa ki kare.n naa'lain paa.nv se judaa

yak-ba-yak vahdat ke parde se lagii aane nidaa

kyuu.n ruke aa.o maa'hu naa'lain-e-ahmad-e-mustafaa

kaa.nptaa hai 'arsh dekho taalib-e-naa'lain hai

chuum lene do use naa'lain ye be-chain hai

tab kahaa hazrat ne haq se ai mire parvardigaar

tere is lutf-o-karam par meraa jaan-o-dil nisaar

hukm muusaa ko hu.aa thaa tuur par ki hoshiyaar

mere jalvo.n kaa adab kar paa.nv se naa'lain utaar

aur mujh pe ye karam teraa KHudaa-e-bahr-o-bar

tuu ne bulvaayaa mujhe naa'lain pahu.nche 'arsh par

phir nidaa aa.ii zaraa is baat par bhii Gaur ho

tum kahaa.n muusaa kahaa.n vo aur the tum aur ho

vo nabii the yaa mohammad tum hamaare nuur ho

baat kal kii bhuulte ho KHud charaaG-e-tuur par

tum pe sadqe yuusuf-o-yaa'quub balki har nabii

vo faqat taalib the tum taalib bhii ho matluub bhii

mohammad kamlii vaale ko KHudaa se khelte dekhaa

mohammad ke navaaso.n ko qazaa se khelte dekhaa

jis gha.Dii vo laal sa.ng-e-zulam se to.Daa gayaa

yaa'nii is ke halaq par ik KHanjar-e-burraa.n chalaa

ik kabuutar lauT kar un ke lahuu me.n a.D gayaa

jaa ke gumbad par rasuulullaah ke kahne lagaa

yaa mohammad karbalaa me.n luuTaa bechaara gayaa

aap kaa pyaaraa navaasaa sajde me.n maaraa gayaa

jis jagah lete the bose tum habiib-e-kirdgaar

us jagah zaalim ne pheraa KHanjar-e-KHuu.n aab-daar

mohammad ke navaaso.n ko qazaa se khelte dekhaa

haakim kaa hukm ye hai ki paanii bashar piye.n

gho.De piye.n savaar piye.n jaanvar piye.n

kaafir talak piye.n to mana' tuu na kiijiyo

ik faatima ke laal ko paanii na diijiyo

us ne haq karbalaa me.n adaa kar diyaa

apne naanaa kaa vaa'da vafaa kar diyaa

ghar ke ghar ko supurd-e-qazaa kar diyaa

sab kuchh ummat kii KHaatir fidaa kar diyaa

haaye vo shakl-e-nuurii miTaa.ii ga.ii

pyaas tiiro.n se jis kii bujhaa.ii ga.ii

sirf chhe maah kii 'umr paa.ii ga.ii

naam thaa jis kaa mash.huur qaasim banaa

us kii shaadii kaa armaan dil me.n rahaa

us ke sar par shahaadat kaa sahraa bandhaa

jum.a kaa roz thaa yaaro dopahar Dhaltii thii

chhurii husain ke pyaase gale pe chaltii thii

mohammad ke navaaso.n ko qazaa se khelte dekhaa