masarrat-kesh vo gaam apnii zindagii me.n hai

masarrat-kesh vo gaam apnii zindagii me.n hai

shahanshaah-e-do-’aalam ke jo ’ishq-o-aagahii me.n hai

munavvar hai mashaam-e-zindagii tanviir se jin ke

mahak un ke pasiine kii chaman kii har kalii me.n hai

gulistaan-e-jahaa.n kiyaa gulshan-e-jannat hai shaidaa.ii

kuchh aisii shabnamii-o-lutf-e-gesuu-e-nabii me.n hai

mataa’-e-’ishq-e-sarvar daakHil-e-qalb-o-nazar kar lo

tilismii irtiqaa-e-diin-o-duniyaa bas isii me.n hai

kahaa.n to Dhuu.nDne niklaa hai suu-e-raaGib-o-jogii

are naadaa.n zafar-yaabii kamaal-e-bandagii me.n hai

nikaalaa chiir kar rasta talaatum-KHez dariyaa se

ai fir’auniyo vo taaqat ’asaa-e-muusavii me.n hai

bahaar-e-baaG-e-jannat me.n kahaa.n lutf-o-suruur aisaa

jo sarkaar-e-do-'aalam ke mohalle aur galii me.n hai

tapish roz-e-jazaa kii kis tarah jhulsaa sake jis ko

ridaa-e-saahib-e-laulaak kii jo chhaavnii me.n hai

yaziid-e-vaqt ab ko.ii bachaa sakta nahii.n tujh ko

qazaa marquum terii zulfiqaar-e-haidarii me.n hai

bhulaa kar aap-biitii rishta-e-dil jo.Diye dil se

KHasaara hii KHasaara iKHtilaaf-e-baahamii me.n hai

'ibaadat kar riyaazat kar itaa'at dil-e-‘aasif’

sukuun-o-aashtii-e-dil KHudaa kii bandagii me.n hai

masarrat-kesh vo gaam apnii zindagii me.n hai

shahanshaah-e-do-’aalam ke jo ’ishq-o-aagahii me.n hai

munavvar hai mashaam-e-zindagii tanviir se jin ke

mahak un ke pasiine kii chaman kii har kalii me.n hai

gulistaan-e-jahaa.n kiyaa gulshan-e-jannat hai shaidaa.ii

kuchh aisii shabnamii-o-lutf-e-gesuu-e-nabii me.n hai

mataa’-e-’ishq-e-sarvar daakHil-e-qalb-o-nazar kar lo

tilismii irtiqaa-e-diin-o-duniyaa bas isii me.n hai

kahaa.n to Dhuu.nDne niklaa hai suu-e-raaGib-o-jogii

are naadaa.n zafar-yaabii kamaal-e-bandagii me.n hai

nikaalaa chiir kar rasta talaatum-KHez dariyaa se

ai fir’auniyo vo taaqat ’asaa-e-muusavii me.n hai

bahaar-e-baaG-e-jannat me.n kahaa.n lutf-o-suruur aisaa

jo sarkaar-e-do-'aalam ke mohalle aur galii me.n hai

tapish roz-e-jazaa kii kis tarah jhulsaa sake jis ko

ridaa-e-saahib-e-laulaak kii jo chhaavnii me.n hai

yaziid-e-vaqt ab ko.ii bachaa sakta nahii.n tujh ko

qazaa marquum terii zulfiqaar-e-haidarii me.n hai

bhulaa kar aap-biitii rishta-e-dil jo.Diye dil se

KHasaara hii KHasaara iKHtilaaf-e-baahamii me.n hai

'ibaadat kar riyaazat kar itaa'at dil-e-‘aasif’

sukuun-o-aashtii-e-dil KHudaa kii bandagii me.n hai