مسرت کیش وہ گام اپنی زندگی میں ہے

مسرت کیش وہ گام اپنی زندگی میں ہے

شہنشاہ دو عالم کے جو عشق و آگہی میں ہے

منور ہے مشامِ زندگی تنویر سے جن کے

مہک ان کے پسینے کی چمن کی ہر کلی میں ہے

گلسانِ جہاں کیا گلشنِ جنت ہے شیدائی

کچھ ایسی شبنمی و لطف گیسوئے نبی میں ہے

متاعِ عشقِ سرور داخلِ قلب و نظر کر لو

طلسمی ارتقائے دین دنیا بس اسی میں ہے

کہاں تو ڈھونڈنے نکلا ہے سوئے راغب و جوگی

ارے ناداں ظفریابی کمالِ بندگی میں ہے

نکالا چیر کر رستہ طلاطم خیز دریا سے

اے فرعونیو! وہ طاقت عطائے موسوی میں ہے

بہارِ باغِ جنت میں کہاں لطف و سرور ایسا

جو سرکارِ دوعالم کے محلے اور گلی میں ہے

تپش روزِ جزا کی کس طرح جھلسا سکے جس کو

ردائے صاحبِ لولاک کی جو چھاؤنی میں ہے

یزیدِ وقت اب کوئی بچا سکتا نہیں تجھ کو

قضا مرقوم تیری ذوالفقار حیدری میں ہے

بھلا کر آپ بیتی رشتۂ دل جوڑیے دل سے

خسارہ ہی خسارہ اختلافی باہمی میں ہے

عبادت کر ریاضت کر اطاعت دلِ آصفؔ

سکون و آشتیِ دل خدا کی بندگی میں ہے