جن کو بھی معلوم ہے شانِ وقارِ فاطمہ

جن کو بھی معلوم ہے شانِ وقارِ فاطمہ

اپنے سر کرتے ہیں فرشِ رہ گزارِ فاطمہ

شوکتِ بنت سلیماں دیکھنے والے یہ دیکھ

وہ بھی ہے فردوس میں خدمت گزارِ فاطمہ

رنگِ حیدر اور خوشبوئے نبی یکجا ہوئے

اس طرح دنیا میں مہکا لالہ زارِ فاطمہ

لا فتی الا علی کی کوندتی ہیں بجلیاں

آ گیا میدان میں اب شعلہ بارِ فاطمہ

سب بہاریں حسن کی جس پر نچھاور ہیں وہی

لٹ رہا ہے دشت میں باغ بہارِ فاطمہ

جا کے عرفاںؔ دیکھیے قرآن میں موجود ہے

آیتِ تطہیر میں شان وقارِ فاطمہ