مصطفیٰ حق نما سرِّ کون و مکاں، ربِ عالم بھی عاشق تیرا ہو گیا

مصطفیٰ حق نما سرِّ کون و مکاں، ربِ عالم بھی عاشق تیرا ہو گیا

تو نے ممدوحِ یزداں خدا کی قسم، جس پہ ڈالی نظر وہ تیرا ہو گیا

شب ہے معراج کی ڈال کر نور کا پردۂ اقدسِ صدرۃ المنتہیٰ

کہہ دیا مصطفیٰ سے خدا نے سمیع، جو تیرا ہو گیا وہ میرا ہو گیا

تیری نسبت فقیروں کا رحمت کدہ، نورِ عارض تیرا دو جہاں کی ضیا

تیرے نقشِ کفِ پا ہیں شمس و قمر، تیرا شیدا غموں سے رہا ہو گیا

ہے تقاضہ یہی میرے ایمان کا، تذکرہ اب ہو آقا تیری آل کا

یا علی یا بتول و حسین و حسن دین تم سے نبی کا بقا ہو گیا