مصطفیٰ حق_نما سر_کون_و_مکاں رب_عالم بھی عاشق ترا ہو گیا

مصطفیٰ حق نما سر کون و مکاں رب عالم بھی عاشق ترا ہو گیا

تو نے ممدوح یزداں خدا کی قسم جس پہ ڈالی نظر وہ ترا ہو گیا

شب ہے معراج کی ڈال کر نور کا پردۂ اقدس صدرۃ المنتہیٰ

کہہ دیا مصطفیٰ سے خدا نے سمیع جو ترا ہو گیا وہ مرا ہو گیا

تیری نسبت فقیروں کا رحمت کدہ نور عارض ترا دو جہاں کی ضیا

تیرے نقش کف پا ہیں شمس و قمر تیرا شیدا غموں سے رہا ہو گیا

ہے تقاضہ یہی میرے ایمان کا تذکرہ اب ہو آقا تیری آل کا

یا علی یا بتول و حسین و حسن دین تم سے نبی کا بقا ہو گیا