habiib-e-kibriyaa kaa ko.ii ham-sar ho nahii.n saktaa
habiib-e-kibriyaa kaa ko.ii ham-sar ho nahii.n saktaa
Aseer Mohammadabadi
MORE BYAseer Mohammadabadi
habiib-e-kibriyaa kaa ko.ii ham-sar ho nahii.n saktaa
ko.ii ham-martaba un kaa payambar ho nahii.n saktaa
muqaabil rahmat-ul-lil.aalamii.n ke ko.ii kab hogaa
rasuul-e-haq saa ko.ii ’adl-gustar ho nahii.n saktaa
shafii'-ul-muznabii.n laa.e naved-e-bakHshish-e-ummat
mire dil me.n kabhii ab haul-e-mahshar ho nahii.n saktaa
shah-e-laulaak kaa 'izz-o-sharf qur.aan se puuchho
kisii bande pe itnaa fazl-e-daavar ho nahii.n saktaa
nabii ke aate hii islaam kii qismat chamak uTThii
buto.n ne kah diyaa ab kufr sar-bar ho nahii.n saktaa
habiib-e-kibriyaa kii manzilat kis darja arfa' hai
bashar to kyaa farishta bhii baraabar ho nahii.n saktaa
hidaayat ke liye jis ko KHudaa KHud muntaKHab karle
ko.ii haadii jahaa.n me.n juz payambar ho nahii.n saktaa
‘asiir’-e-be-navaa ko gar shah-e-bathaa bulaa lete
farishta bhii ko.ii phir us kaa ham-sar ho nahii.n saktaa
habiib-e-kibriyaa kaa ko.ii ham-sar ho nahii.n saktaa
ko.ii ham-martaba un kaa payambar ho nahii.n saktaa
muqaabil rahmat-ul-lil.aalamii.n ke ko.ii kab hogaa
rasuul-e-haq saa ko.ii ’adl-gustar ho nahii.n saktaa
shafii'-ul-muznabii.n laa.e naved-e-bakHshish-e-ummat
mire dil me.n kabhii ab haul-e-mahshar ho nahii.n saktaa
shah-e-laulaak kaa 'izz-o-sharf qur.aan se puuchho
kisii bande pe itnaa fazl-e-daavar ho nahii.n saktaa
nabii ke aate hii islaam kii qismat chamak uTThii
buto.n ne kah diyaa ab kufr sar-bar ho nahii.n saktaa
habiib-e-kibriyaa kii manzilat kis darja arfa' hai
bashar to kyaa farishta bhii baraabar ho nahii.n saktaa
hidaayat ke liye jis ko KHudaa KHud muntaKHab karle
ko.ii haadii jahaa.n me.n juz payambar ho nahii.n saktaa
‘asiir’-e-be-navaa ko gar shah-e-bathaa bulaa lete
farishta bhii ko.ii phir us kaa ham-sar ho nahii.n saktaa
- Book : Tazkira-e-shora-e-Uttar Pradesh Voll.X (Pg. 52)
- Author : Irfan Abbasi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
