vo hijrat kii shab istiraahat kisii kii

vo hijrat kii shab istiraahat kisii kii

risaalat-numaa thii imaamat kisii kii

pa.Dho baab-e-KHaibar pa.Dho fasl-e-KHandaq

hadiiso.n me.n dekho shujaa'at kisii kii

riyaazat kii thii ek raushan nishaanii

kisii kii du'aa par vo rif.at kisii kii

rahii taa'at-e-har-do-'aalam se afzal

vo KHandaq ke din ek qurbat kisii kii

dahan zaKHm kaa chup hai naavak bhii saakit

kahe kaun shaan 'ibaadat kisii kii

na kyuu.n kar rahe yaadgaar-e-zamaana

Gariibo.n kii duniyaa me.n KHidmat kisii kii

banii innamaa ke nagiine kii ziinat

'ibaadat me.n shaan-e-saKHaavat kisii kii

nikal jaa.e dam yaa alii tere dar par

Thikaane lage kaash mehnat kisii kii

jo nisbat thii haaruu.n se muusaa ko 'bismil'

vahii thii binaa-e-imaamat kisii kii

vo hijrat kii shab istiraahat kisii kii

risaalat-numaa thii imaamat kisii kii

pa.Dho baab-e-KHaibar pa.Dho fasl-e-KHandaq

hadiiso.n me.n dekho shujaa'at kisii kii

riyaazat kii thii ek raushan nishaanii

kisii kii du'aa par vo rif.at kisii kii

rahii taa'at-e-har-do-'aalam se afzal

vo KHandaq ke din ek qurbat kisii kii

dahan zaKHm kaa chup hai naavak bhii saakit

kahe kaun shaan 'ibaadat kisii kii

na kyuu.n kar rahe yaadgaar-e-zamaana

Gariibo.n kii duniyaa me.n KHidmat kisii kii

banii innamaa ke nagiine kii ziinat

'ibaadat me.n shaan-e-saKHaavat kisii kii

nikal jaa.e dam yaa alii tere dar par

Thikaane lage kaash mehnat kisii kii

jo nisbat thii haaruu.n se muusaa ko 'bismil'

vahii thii binaa-e-imaamat kisii kii