zamzam-e-ishq se dho dho ke nikhaare alfaaz

zamzam-e-ishq se dho dho ke nikhaare alfaaz

mai.n ne tab na.at kii taKHtii pe utaare alfaaz

jin kii jumbish se bane nuur ke dhaare alfaaz

un labo.n se hai.n ma.anuun mere saare alfaaz

Daal duu.ngaa sar-e-miizaan ye naa'to.n kii bayaaz

puuraa kar de.nge mere saare KHasaare alfaaz

aaj bhii kahte hai.n aaqaa ke muqaddas kHutbaat

mo.D dete hai.n yam ziist ke dhaare alfaaz

jab jale vaadii zulmat me.n daruudo.n ke charaaG

nasb karne lage kirno.n ke manaare alfaaz

yaa nabii un ko bhii de diijiye e.azaaz qubuul

aaj phir laa.e hai.n kuchh taaza shumaare alfaaz

muztarib kyuu.n hai talaatum se

terii kashtii ko lagaa de.nge kinaare alfaaz

na.at sarkaar kii likhte rahuu.n inshaa-allaah

tole jaa.e.nge bahishto.n se tumhaare alfaaz

nazr mid.hat mirii darbaar nabii tak pahu.nchii

jannat nuur ke karte hai.n nazaare alfaaz

dast-e-jibriil ne jab kHaama-e-midhat thaamaa

daaman-e-charKH banaa lauh sitaare alfaaz

va.az farmaate hai.n mimbar pe rasuul-e-ummii

lene aa.e hai.n tamaddun ke idaare alfaaz

raa.igaanii kaa ko.ii KHauf nahii.n hai mujh ko

paa ga.e aap ke mazbuut sahaare alfaaz

jab bhii darbaar-e-mohammad se bulaavaa aa.e

saath le lenaa mujhe bhii mere pyaare alfaaz

un kii KHidmat me.n karuu.n arz-e-tamannaa kaise

lab pe aate hii nahii.n KHauf ke maare alfaaz

un ko taasiir kii KHairaat ataa ho sarkaar

aastaa.n par hai.n kha.De haath pasaare alfaaz

mere harfo.n ne 'nasiir' aaKHirii manzil paalii

dil ne jab un kii samaa.at se guzaare alfaaz

zamzam-e-ishq se dho dho ke nikhaare alfaaz

mai.n ne tab na.at kii taKHtii pe utaare alfaaz

jin kii jumbish se bane nuur ke dhaare alfaaz

un labo.n se hai.n ma.anuun mere saare alfaaz

Daal duu.ngaa sar-e-miizaan ye naa'to.n kii bayaaz

puuraa kar de.nge mere saare KHasaare alfaaz

aaj bhii kahte hai.n aaqaa ke muqaddas kHutbaat

mo.D dete hai.n yam ziist ke dhaare alfaaz

jab jale vaadii zulmat me.n daruudo.n ke charaaG

nasb karne lage kirno.n ke manaare alfaaz

yaa nabii un ko bhii de diijiye e.azaaz qubuul

aaj phir laa.e hai.n kuchh taaza shumaare alfaaz

muztarib kyuu.n hai talaatum se

terii kashtii ko lagaa de.nge kinaare alfaaz

na.at sarkaar kii likhte rahuu.n inshaa-allaah

tole jaa.e.nge bahishto.n se tumhaare alfaaz

nazr mid.hat mirii darbaar nabii tak pahu.nchii

jannat nuur ke karte hai.n nazaare alfaaz

dast-e-jibriil ne jab kHaama-e-midhat thaamaa

daaman-e-charKH banaa lauh sitaare alfaaz

va.az farmaate hai.n mimbar pe rasuul-e-ummii

lene aa.e hai.n tamaddun ke idaare alfaaz

raa.igaanii kaa ko.ii KHauf nahii.n hai mujh ko

paa ga.e aap ke mazbuut sahaare alfaaz

jab bhii darbaar-e-mohammad se bulaavaa aa.e

saath le lenaa mujhe bhii mere pyaare alfaaz

un kii KHidmat me.n karuu.n arz-e-tamannaa kaise

lab pe aate hii nahii.n KHauf ke maare alfaaz

un ko taasiir kii KHairaat ataa ho sarkaar

aastaa.n par hai.n kha.De haath pasaare alfaaz

mere harfo.n ne 'nasiir' aaKHirii manzil paalii

dil ne jab un kii samaa.at se guzaare alfaaz