حجرۂ خیرالوریٰ میں جلوہ گر صدیق ہیں

حجرۂ خیرالوریٰ میں جلوہ گر صدیق ہیں

اس سے سمجھیں آپ کتنے معتبر صدیق ہیں

کہہ رہے ہیں یہ زمین و آسماں ماہ و فلک

خلق میں بعد رسل افضل بشر صدیق ہیں

دین کی خاطر نچھاور کر دیا ہے گھر کا گھر

جود میں دیکھو تو کتنے اوج پر صدیق ہیں

امت سرکار میں ہیں کون سب سے معتبر

حضرتِ مولیٰ علی، عثماں، عمر، صدیق ہیں

اعتماد آقا کو تھا صدیق پر کچھ اس طرح

ہجرتِ شہ میں بھی دیکھو ہمسفر صدیق ہیں

رہتے ہیں وہ بعد رحلت بھی شہِ دیں کے قریب

دیکھیے محبوب شہ کے کس قدر صدیق ہیں

جب ہوئے رخصت شہنشاہِ مدینہ دہر سے

پھر سنبھالا جس نے دیں کو وہ بشر صدیق ہیں

پیارے آقا کی عطا سے سب کے پیارے ہو گیے

یعنی دنیا میں بہت ہی معتبر صدیق ہیں

کاش اے عنبرؔ ہمیں ہو اُن کا صدقہ دستیاب

عائشہ بی بی کے جو پیارے پدر صدیق ہیں