kyaa bayaa.n kar paa.egaa ko.ii vaqaar-e-faatima

kyaa bayaa.n kar paa.egaa ko.ii vaqaar-e-faatima

bazm-e-aalam me.n bahut hai.n jaa.n-nisaar-e-faatima

naar-e-dozaKH me.n kabhii bhii jaa nahii.n saktaa hai vo

dahr me.n jis ne bhii samjhaa hai vaqaar-e-faatima

merii qismat auj par hogii ba-roz-e-hashr bhii

mil gayaa gar mujh ko bhii qurb-o-javaar-e-faatima

karbalaa kii sar zamii.n se aa rahii thii ye sadaa

luT rahaa hai dasht me.n baaG-e-bahaar-e-faatima

mujh se ye hargiz nahii.n hogaa bayaan-e-karbalaa

kaT gayaa hai karbalaa me.n shiir-KHvaar-e-faatima

karbalaa me.n jis gha.Dii sar ko kaTaayaa thaa husain

beh gayaa hogaa yaqiinan ashk-baar-e-faatima

jis ne apnii jaa.n kiyaa qurbaa.n nabii ke diin par

vo bi-hamdillah bane hai.n jaa.n-nisaar-e-faatima

laa’nat-o-faTkaar barsegii KHudaa kii dekhnaa

kuufa vaalo.n ne jo chhiinii yaadgaar-e-faatima

maal-o-daulat par kabhii bhii ham agar itraa.e naa

soch lenaa ho gaye phir KHaaksaar-e-faatima

un kii aa.nkho.n kii basaarat ho nahii.n saktii KHaraab

jo bhii dekh aa.e hai.n qismat se dayaar-e-faatima

kyaa bayaa.n kar paa.egaa ko.ii vaqaar-e-faatima

bazm-e-aalam me.n bahut hai.n jaa.n-nisaar-e-faatima

naar-e-dozaKH me.n kabhii bhii jaa nahii.n saktaa hai vo

dahr me.n jis ne bhii samjhaa hai vaqaar-e-faatima

merii qismat auj par hogii ba-roz-e-hashr bhii

mil gayaa gar mujh ko bhii qurb-o-javaar-e-faatima

karbalaa kii sar zamii.n se aa rahii thii ye sadaa

luT rahaa hai dasht me.n baaG-e-bahaar-e-faatima

mujh se ye hargiz nahii.n hogaa bayaan-e-karbalaa

kaT gayaa hai karbalaa me.n shiir-KHvaar-e-faatima

karbalaa me.n jis gha.Dii sar ko kaTaayaa thaa husain

beh gayaa hogaa yaqiinan ashk-baar-e-faatima

jis ne apnii jaa.n kiyaa qurbaa.n nabii ke diin par

vo bi-hamdillah bane hai.n jaa.n-nisaar-e-faatima

laa’nat-o-faTkaar barsegii KHudaa kii dekhnaa

kuufa vaalo.n ne jo chhiinii yaadgaar-e-faatima

maal-o-daulat par kabhii bhii ham agar itraa.e naa

soch lenaa ho gaye phir KHaaksaar-e-faatima

un kii aa.nkho.n kii basaarat ho nahii.n saktii KHaraab

jo bhii dekh aa.e hai.n qismat se dayaar-e-faatima