‘ishq ke baaG kii bahaar daruud

‘ishq ke baaG kii bahaar daruud

qalb-e-aashiq kaa hai qaraar daruud

mast karataa hai mushk-baar daruud

pa.Dhtaa jaa.uu.n mai.n baar-baar daruud

dil se pa.Dh le jo ek baar daruud

pa.Dhne lag jaa.e baar-baar daruud

hukm-e-salluu alaihi dekh zaraa

kufr hai karnaa naagavaar daruud

mahv-e-diid-e-jamaal-e-jaanaa.n huu.n

kam hai laakho.n karo.Do.n baar daruud

zulf abruu dahan lab-o-ruKHsaar

tan badan par ho baar-baar daruud

hashr me.n naar se bachaa.egaa

hai tahaffuz kaa vo hisaar daruud

pa.D ga.ii ThanD qalb-e-biryaa.n me.n

jab pa.Dhaa ho ke ashk-baar daruud

’aql-e-insaa.n na chhuu sake jis ko

rif.ato.n kaa hai vo manaar daruud

paak parvardigaar kaa hii karam

pa.Dh rahaa hai gunahgaar daruud

hai kaThin dard-e-hijr-e-shaah to sun

salle-maulaa kaa hii madaar daruud

paas husn-e-’amal nahii.n 'haidar'

hai shafaa.at kaa inhisaar daruud

‘ishq ke baaG kii bahaar daruud

qalb-e-aashiq kaa hai qaraar daruud

mast karataa hai mushk-baar daruud

pa.Dhtaa jaa.uu.n mai.n baar-baar daruud

dil se pa.Dh le jo ek baar daruud

pa.Dhne lag jaa.e baar-baar daruud

hukm-e-salluu alaihi dekh zaraa

kufr hai karnaa naagavaar daruud

mahv-e-diid-e-jamaal-e-jaanaa.n huu.n

kam hai laakho.n karo.Do.n baar daruud

zulf abruu dahan lab-o-ruKHsaar

tan badan par ho baar-baar daruud

hashr me.n naar se bachaa.egaa

hai tahaffuz kaa vo hisaar daruud

pa.D ga.ii ThanD qalb-e-biryaa.n me.n

jab pa.Dhaa ho ke ashk-baar daruud

’aql-e-insaa.n na chhuu sake jis ko

rif.ato.n kaa hai vo manaar daruud

paak parvardigaar kaa hii karam

pa.Dh rahaa hai gunahgaar daruud

hai kaThin dard-e-hijr-e-shaah to sun

salle-maulaa kaa hii madaar daruud

paas husn-e-’amal nahii.n 'haidar'

hai shafaa.at kaa inhisaar daruud