رحمتوں پر ہے نظر حرف_دعا کیف میں ہے

رحمتوں پر ہے نظر حرف دعا کیف میں ہے

بکھرے انوار توکل ہیں رضا کیف میں ہے

دیکھ کے انفس و آفاق میں قدرت کی بہار

جذبۂ حمد جواں شوق ثنا کیف میں ہے

یا عبادی جو سنا خالق دو عالم سے

حصر غم توڑ کے اب میری خطا کیف میں ہے

جلوہ حق مجھے بھی راکھ بنا مثل طور

ہوگی حرکت نہ ذرا شوق لقا کیف میں ہے

اپنا محبوب دیا سب سے بڑا فضل ترا

اس عطا کو کہوں کیا ذہن رسا کیف میں ہے

تیرے پیاروں کے قدم ہائے مبارک چھو دو

طیبہ بغداد و نجف کرب و بلا کیف میں ہے

بے سبب بخش دے مولیٰ جسے چاہے حیدرؔ

بس یہی سوچ کے مجھ جیسا گدا کیف میں ہے