jis kaa ko.ii javaab na aayaa aaj tak
jis kaa ko.ii javaab na aayaa aaj tak
be-misl vo husain kaa sajda hai aaj tak
fauj-e-sipaah-e-shaam to miTTii me.n mil ga.ii
'abbaas kaa furaat pe qabza hai aaj tak
taariiKH-e-karbalaa ko zamaane guzar ga.e
aab-e-furaat Thokare.n khaataa hai aaj tak
ye bhii sila husain kii qurbaaniyo.n kaa hai
islaam duniyaa bhar me.n chamaktaa hai aaj tak
kaa'ba tere Gilaaf se lagtaa hai ye pata
tuu bhii Gam-e-husain manaataa hai aaj tak
yaarab hai tere haath me.n ab meraa faisla
mai.n ne tere husain ko chaahaa hai aaj tak
jo maa'rka hu.aa thaa 'sabaa' karbalaa me.n vo
mere dil-o-dimaaG pe chhaayaa hai aaj tak
jis kaa ko.ii javaab na aayaa aaj tak
be-misl vo husain kaa sajda hai aaj tak
fauj-e-sipaah-e-shaam to miTTii me.n mil ga.ii
'abbaas kaa furaat pe qabza hai aaj tak
taariiKH-e-karbalaa ko zamaane guzar ga.e
aab-e-furaat Thokare.n khaataa hai aaj tak
ye bhii sila husain kii qurbaaniyo.n kaa hai
islaam duniyaa bhar me.n chamaktaa hai aaj tak
kaa'ba tere Gilaaf se lagtaa hai ye pata
tuu bhii Gam-e-husain manaataa hai aaj tak
yaarab hai tere haath me.n ab meraa faisla
mai.n ne tere husain ko chaahaa hai aaj tak
jo maa'rka hu.aa thaa 'sabaa' karbalaa me.n vo
mere dil-o-dimaaG pe chhaayaa hai aaj tak
- Book : Silsila-e-Warisiya ke makhsoos Shora-e-kram (Pg. 129)
- Author : Dr.Kabiruddin Khan Warsi
- Publication : Eram Printers, Dariyapur,Patna, (2018)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
