جس کا کوئی جواب نہ آیا آج تک

جس کا کوئی جواب نہ آیا آج تک

بے مثل وہ حسین کا سجدہ ہے آج تک

فوج سپاہ شام تو مٹی میں مل گئی

عباس کا فرات پہ قبضہ ہے آج تک

تاریخِ کربلا کو زمانے گزر گئے

آبِ فرات ٹھوکریں کھاتا ہے آج تک

یہ بھی صلہ حسین کی قربانیوں کا ہے

اسلام دنیا بھر میں چمکتا ہے آج تک

کعبہ تیرے غلاف سے لگتا ہے یہ پتہ

تو بھی غمِ حسین مناتا ہے آج تک

یارب ہے تیرے ہاتھ میں اب میرا فیصلہ

میں نے تیرے حسین کو چاہا ہے آج تک

جو معرکہ ہوا تھا صباؔ کربلا میں وہ

میرے دل و دماغ پہ چھایا ہے آج تک