سر زمینِ پنڈ تو رشکِ مہ و خورشید ہے

سر زمینِ پنڈ تو رشکِ مہ و خورشید ہے

خاک میں تیری نہاں اک پیکرِ ناہید ہے

جو قمر بن کر عیاں ہے اور ضو احسن کبھی

اس ضیا پاشی میں گم ہے کوئی محوِ دید ہے

تیرے ہر ذرے میں جلوہ گنبدِ خضریٰ کا ہے

دورِ ظلمت میں خوشا تو مرکزِ تمجید ہے

ہے تیری آغوش میں کیفِ تصوف سرمدی

اس زمیں کی خاک بھی موتی ہے مروارید ہے

مل گیا سجادؔ کو اس در سے منزل کا پتہ

خانقاہ شاکری گنجینۂ توحید ہے