karo mushkile.n merii hal Gaus-e-aa'zam

karo mushkile.n merii hal Gaus-e-aa'zam

mile be-qaraarii ko kal Gaus-e-aa'zam

bachaa lo mujhe bahr hasnain aaqaa

safiina hai suu-e-KHalal Gaus-e-aa'zam

ba-juz terii nisbat ke kuchh bhii nahii.n hai

mire paas husn-e-'amal Gaus-e-aa'zam

tumhaare karam par bharosa hai varna

bure hai.n mire sab 'amal Gaus-e-aa'zam

KHudaa se sar-e-hashr bakHshaanaa mujh ko

hai tum se umiid-o-amal Gaus-e-aa'zam

mire gulshan-e-zindagii me.n ba-har-suu

khilaa.o KHushii ke ka.nval Gaus-e-aa'zam

tire nuur-e-'irfaa.n se za.ng-o-syaahii

mire dil se jaa.e nikal Gaus-e-aa'zam

zamaane me.n laakho.n valii aa.e lekin

tirii shaan zarbul-masal Gaus-e-aa'zam

vo darbaar teraa jahaa.n sar jhukaa.e.n

salaatiin-o-ahl-e-daval Gaus-e-aa'zam

hai farmaan jab laa-takHaf to ho kyuu.n kar

muriido.n ko KHauf-e-ajal Gaus-e-aa'zam

mirii ruuh pe rahmate.n ho.ngii qurbaa.n

jo aa jaa.e.n vaqt-e-ajal Gaus-e-aa'zam

jo lamha tirii yaad me.n guzre bas hai

vahii 'umr kaa maa-hasal Gaus-e-aa'zam

karam kiijiye apne 'sajjaad' par bhii

pareshaa.n hai ye aaj-kal Gaus-e-aa'zam

karo mushkile.n merii hal Gaus-e-aa'zam

mile be-qaraarii ko kal Gaus-e-aa'zam

bachaa lo mujhe bahr hasnain aaqaa

safiina hai suu-e-KHalal Gaus-e-aa'zam

ba-juz terii nisbat ke kuchh bhii nahii.n hai

mire paas husn-e-'amal Gaus-e-aa'zam

tumhaare karam par bharosa hai varna

bure hai.n mire sab 'amal Gaus-e-aa'zam

KHudaa se sar-e-hashr bakHshaanaa mujh ko

hai tum se umiid-o-amal Gaus-e-aa'zam

mire gulshan-e-zindagii me.n ba-har-suu

khilaa.o KHushii ke ka.nval Gaus-e-aa'zam

tire nuur-e-'irfaa.n se za.ng-o-syaahii

mire dil se jaa.e nikal Gaus-e-aa'zam

zamaane me.n laakho.n valii aa.e lekin

tirii shaan zarbul-masal Gaus-e-aa'zam

vo darbaar teraa jahaa.n sar jhukaa.e.n

salaatiin-o-ahl-e-daval Gaus-e-aa'zam

hai farmaan jab laa-takHaf to ho kyuu.n kar

muriido.n ko KHauf-e-ajal Gaus-e-aa'zam

mirii ruuh pe rahmate.n ho.ngii qurbaa.n

jo aa jaa.e.n vaqt-e-ajal Gaus-e-aa'zam

jo lamha tirii yaad me.n guzre bas hai

vahii 'umr kaa maa-hasal Gaus-e-aa'zam

karam kiijiye apne 'sajjaad' par bhii

pareshaa.n hai ye aaj-kal Gaus-e-aa'zam