hai meraa shabbiir saaqii mai-kada hai karbalaa

hai meraa shabbiir saaqii mai-kada hai karbalaa
Salman Arif Barelvi
MORE BYSalman Arif Barelvi
Interesting Fact
منقبت در شان حضرت امام حسین (کربلا-عراق)
hai meraa shabbiir saaqii mai-kada hai karbalaa
yaa'nii ’ishq-o-maa'rifat kii dars-gaah hai karbalaa
kHauf-e-baatil karbalaa ke zikr se miT jaataa hai
ai musalmaano hamaaraa hausla hai karbalaa
'ishq ke har ek pahluu kii yahaa.n tafsiil hai
'ishq karne vaalo.n kii ik rahnumaa hai karbalaa
is zamii.n par jazb hai.n maulaa ke sajdo.n ke nishaa.n
baaG-e-jannat kaa muqaddas aa.ina hai karbalaa
mar ke jiinaa kis ko kahte hai.n yahaa.n se siikhiye
zindagii aur maut kaa ik falsafa hai karbalaa
ahl-e-dil to barmalaa jannat hii kahte hai.n ise
is se aage bas KHudaa jaane ki kyaa hai karbalaa
hashr tak baaqii rahegii daastaan-e-karbalaa
vaaste islaam ke paas-e-vafaa hai karbalaa
daastaan-e-karbalaa baaqii rahegii hashr tak
aab-e-ra.ngiin-e-baqaa se likh gayaa hai karbalaa
ai imaam-e-karbalaa 'salmaan' kii hai aarzuu
jiite jii ik din mujhe bhii dekhnaa hai karbalaa
hai meraa shabbiir saaqii mai-kada hai karbalaa
yaa'nii ’ishq-o-maa'rifat kii dars-gaah hai karbalaa
kHauf-e-baatil karbalaa ke zikr se miT jaataa hai
ai musalmaano hamaaraa hausla hai karbalaa
'ishq ke har ek pahluu kii yahaa.n tafsiil hai
'ishq karne vaalo.n kii ik rahnumaa hai karbalaa
is zamii.n par jazb hai.n maulaa ke sajdo.n ke nishaa.n
baaG-e-jannat kaa muqaddas aa.ina hai karbalaa
mar ke jiinaa kis ko kahte hai.n yahaa.n se siikhiye
zindagii aur maut kaa ik falsafa hai karbalaa
ahl-e-dil to barmalaa jannat hii kahte hai.n ise
is se aage bas KHudaa jaane ki kyaa hai karbalaa
hashr tak baaqii rahegii daastaan-e-karbalaa
vaaste islaam ke paas-e-vafaa hai karbalaa
daastaan-e-karbalaa baaqii rahegii hashr tak
aab-e-ra.ngiin-e-baqaa se likh gayaa hai karbalaa
ai imaam-e-karbalaa 'salmaan' kii hai aarzuu
jiite jii ik din mujhe bhii dekhnaa hai karbalaa
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.