جو عشق_خدا میں فنا ہو گیا

جو عشق خدا میں فنا ہو گیا

نور بن کر وہ نور خدا ہو گیا

جان و دل سے جو اس پر فدا ہو گیا

کیا بتاؤں کہ وہ کیا سے کیا ہو گیا

عشق تیرا جو اے دل ربا ہو گیا

تھا جو قسمت کا لکھا ادا ہو گیا

آ کے آنکھوں میں آنکھوں کا تارا بنا

دل میں آ کر وہ بت دل ربا ہو گیا

جو بحر محبت میں آ کر گرا

ایسا ڈوبا کہ وہ لاپتا ہو گیا

درد الفت کی کوئی دوا ہی نہیں

درد جیوں جیوں بڑھا خود دوا ہو گیا

عشق میں اس کو حاصل یہ رتبہ ہوا

منہ سے سنجرؔ نے جو کچھ کہا ہو گیا