dekh lii taaqat jahaa.n ne narmii-e-guftaar kii

dekh lii taaqat jahaa.n ne narmii-e-guftaar kii

ab zaruurat hii kahaa.n hai tiir kii talvaar kii

apnaa ehsaa.n momino.n par kyuu.n na jatlaataa KHudaa

ne'mat-e-kubraa vilaadat hai shah-e-abraar kii

shaafa-e-mahshar habiib-e-kibriyaa KHatmur-rusul

hai sar-e-sarvar se izzat turra-o-dastaar kii

hamd-e-KHaaliq mid.hat-e-mahbuub hai ahl-e-KHirad

suurat-e-taariif-e-rab bas na.at hai sarkaar kii

naqsh-e-avval mustafaa hai.n aur rab naqqaash hai

naqsh par a.ngulii uThii tanqiis hai fankaar kii

do jahaa.n me.n kaamyaabii kaa tariiqa hai yahi

kiijiye taariif apne rab ke us shahkaar kii

hashr me.n hai kursii-e-mahmuud kis kii milkiyyat

aur huval-hamd hai tauqiir kis darbaar kii

kis ko hai izn-e-shifaa't naaqidaan-e-mustafaa

shaan hai qaal-savaaban kis amaanat-daar kii

KHaatam-e-kul ambiyaa rab ne pukaaraa naam se

murtad-o-kazzaab kii haTdharmii hai be-kaar kii

'saaqib'-e-chishtii kaa rab Gaffaar hai rahmaan hai

hashr me.n qahhaariyat taqdiir hai inkaar kii

dekh lii taaqat jahaa.n ne narmii-e-guftaar kii

ab zaruurat hii kahaa.n hai tiir kii talvaar kii

apnaa ehsaa.n momino.n par kyuu.n na jatlaataa KHudaa

ne'mat-e-kubraa vilaadat hai shah-e-abraar kii

shaafa-e-mahshar habiib-e-kibriyaa KHatmur-rusul

hai sar-e-sarvar se izzat turra-o-dastaar kii

hamd-e-KHaaliq mid.hat-e-mahbuub hai ahl-e-KHirad

suurat-e-taariif-e-rab bas na.at hai sarkaar kii

naqsh-e-avval mustafaa hai.n aur rab naqqaash hai

naqsh par a.ngulii uThii tanqiis hai fankaar kii

do jahaa.n me.n kaamyaabii kaa tariiqa hai yahi

kiijiye taariif apne rab ke us shahkaar kii

hashr me.n hai kursii-e-mahmuud kis kii milkiyyat

aur huval-hamd hai tauqiir kis darbaar kii

kis ko hai izn-e-shifaa't naaqidaan-e-mustafaa

shaan hai qaal-savaaban kis amaanat-daar kii

KHaatam-e-kul ambiyaa rab ne pukaaraa naam se

murtad-o-kazzaab kii haTdharmii hai be-kaar kii

'saaqib'-e-chishtii kaa rab Gaffaar hai rahmaan hai

hashr me.n qahhaariyat taqdiir hai inkaar kii