sulaimaa.n naam paayaa auj bakHt-o-sad sa.aadat se

sulaimaa.n naam paayaa auj bakHt-o-sad sa.aadat se

banaa shahbaaz-e-laa-saanii tahaarat kii lataafat se

chamak tasviir-e-imkaa.n me.n tire ruKH kii sabaahat se

namak har shai me.n paataa huu.n tirii kaan-e-malaahat se

tasavvur kii rehl par hai tirii tasviir juu.n mus.haf

tilaavat kar rahaa huu.n mai.n tire ruKH kii iraadat se

adaa-e-dilbarii aisii ke paikaa.n ban ga.e mizhgaa.n

KHam-e-abru kamaa.n jaise khi.nchii dilbar kii chaahat se

shakar-lab kHanda-e-namkii.n KHumaar-e-mai-kashaa.n sar-e-KHam

KHajil sarv-e-ravaa.n paayaa tire qad kii vajaahat se

vo gul-ruKH nargisii.n aa.nkhe.n vo zulf-e-ambarii.n terii

jhukii nazre.n liye phirtaa hai aahuu ik KHajaalat se

nazaakat aur surKHii nazar karataa hai gul-e-laala

lab-e-naazuk mubaariz hai.n gulaabo.n kii nazaakat se

qalam faKHr-e-jahaa.n ne de ke tujh ko dii jahaa.nbaanii

nigaah-e-qiblaa-e-aalam ne taraashaa kis nafaasat se

sulaimaanii tujhe zebaa jahaa.nbaanii tirii mohkam

zamaane jhuk ke milte hai.n tire murG-e-sa.aadat se

KHushaa mor-e-sulaimaanii shahiir-e-ilm-e-irfaanii

salaamii tujh ko dete hai.n parinde bhii fasaahat se

naqiib-e-ishq terii zaat aalii-shaan ko paayaa

tire malfuuz ruud-e-ishq ulfat kii haraarat se

qalam-kash ho.n ataa-e-shah-e-sulaimaa.n se be-hamdillaah

Gizaa miltii hai ruuhaanii manaaqib kii ishaa.at se

shumaal un kaa junuub un kaa samaa.ae kHairbaab un kaa

avadh taabaa.n dakan raKHshaa.n tirii sham’-e-hidaayat se

mashaaariq aur maGaarib me.n ujaalaa ilm-o-irfaa.n kaa

ziyaa-e-shams aur nuur qamar terii inaayat se

manaaqib munfarid lahje me.n nudrat KHush maqaalii bhii

navaazaa fikr ko merii KHudaa ne kaisii raahat se

kushaada daaman-e-fikr-o-nazar ho jaa.e aasii kaa

qavaafii khii.nch lete hai.n ye daaman puurii taaqat se

ba.Dii tauqiir-o-izzat hai bayaa.n karnaa tirii mid.hat

qalam 'saaqib' ne paayaa hai tire lutf-o-kraamat se

sulaimaa.n naam paayaa auj bakHt-o-sad sa.aadat se

banaa shahbaaz-e-laa-saanii tahaarat kii lataafat se

chamak tasviir-e-imkaa.n me.n tire ruKH kii sabaahat se

namak har shai me.n paataa huu.n tirii kaan-e-malaahat se

tasavvur kii rehl par hai tirii tasviir juu.n mus.haf

tilaavat kar rahaa huu.n mai.n tire ruKH kii iraadat se

adaa-e-dilbarii aisii ke paikaa.n ban ga.e mizhgaa.n

KHam-e-abru kamaa.n jaise khi.nchii dilbar kii chaahat se

shakar-lab kHanda-e-namkii.n KHumaar-e-mai-kashaa.n sar-e-KHam

KHajil sarv-e-ravaa.n paayaa tire qad kii vajaahat se

vo gul-ruKH nargisii.n aa.nkhe.n vo zulf-e-ambarii.n terii

jhukii nazre.n liye phirtaa hai aahuu ik KHajaalat se

nazaakat aur surKHii nazar karataa hai gul-e-laala

lab-e-naazuk mubaariz hai.n gulaabo.n kii nazaakat se

qalam faKHr-e-jahaa.n ne de ke tujh ko dii jahaa.nbaanii

nigaah-e-qiblaa-e-aalam ne taraashaa kis nafaasat se

sulaimaanii tujhe zebaa jahaa.nbaanii tirii mohkam

zamaane jhuk ke milte hai.n tire murG-e-sa.aadat se

KHushaa mor-e-sulaimaanii shahiir-e-ilm-e-irfaanii

salaamii tujh ko dete hai.n parinde bhii fasaahat se

naqiib-e-ishq terii zaat aalii-shaan ko paayaa

tire malfuuz ruud-e-ishq ulfat kii haraarat se

qalam-kash ho.n ataa-e-shah-e-sulaimaa.n se be-hamdillaah

Gizaa miltii hai ruuhaanii manaaqib kii ishaa.at se

shumaal un kaa junuub un kaa samaa.ae kHairbaab un kaa

avadh taabaa.n dakan raKHshaa.n tirii sham’-e-hidaayat se

mashaaariq aur maGaarib me.n ujaalaa ilm-o-irfaa.n kaa

ziyaa-e-shams aur nuur qamar terii inaayat se

manaaqib munfarid lahje me.n nudrat KHush maqaalii bhii

navaazaa fikr ko merii KHudaa ne kaisii raahat se

kushaada daaman-e-fikr-o-nazar ho jaa.e aasii kaa

qavaafii khii.nch lete hai.n ye daaman puurii taaqat se

ba.Dii tauqiir-o-izzat hai bayaa.n karnaa tirii mid.hat

qalam 'saaqib' ne paayaa hai tire lutf-o-kraamat se