صبا مدینے پیام لے جا درود لے جا سلام لے جا

صبا مدینے پیام لے جا درود لے جا سلام لے جا

فغان خستہ تناں خدا را بکوئے خیر الانام لے جا

بسوئے آں رہبر دو عالم بنائے کونین و فخر آدم

غریب کا شوق خام لے جا یہ جذبۂ نا تمام لے جا

سند ہے عشق رسول جن کا انہیں کا ادنیٰ غلام ہوں میں

مری یہ فریاد اے صبا تو بحق خواجہ نظام لے جا

سلام ربی علیٰ نبی سلام ربی علیٰ نبی

صبا برائے قبولیت یہ وظیفۂ صبح و شام لے جا

یہ آیت بے نوا کی تجھ سے بس ایک ادنیٰ سی التجا ہے

کہ سوئے خیر البشر سلام غلام ابن غلام لے جا