Gam-e-duurii se huu.n naashaad yaa mahbuub-e-sub.haanii

Gam-e-duurii se huu.n naashaad yaa mahbuub-e-sub.haanii

zaraa san lo mirii fariyaad yaa mahbuub-e-sub.haanii

tirii qadmo.n ko hukm-e-haq se apne sar par rakhte the

sabhii aqtaab aur afraad yaa mahbuub-e-sub.haanii

laqab Gaus-e-do 'aalam hai tiraa saare zamaana me.n

mujhe bhii Gam se kar aazaad yaa mahbuub-e-sub.haanii

kyaa inkaar jis ne aap kii taqdiim se shaahaa

hu.aa fil-faur vo barbaad yaa mahbuub-e-sub.haanii

tire hii dam-qadam se rashk-e-baaG-e-kHuld hai be-shak

fizaa-e-hazrat baGdaad yaa mahbuub-e-sub.haanii

fanaa kar yaad me.n apnii mujhe aisaa ki terii hii

rahe aaTho.n pahar bas yaad yaa mahbuub-e-sub.haanii

nahii.n hai KHauf kuchh mujh ko sunaa jab se kiyaa tum ne

muriidii laa-takHaf irshaad yaa mahbuub-e-sub.haanii

bachaa lo mujh ko mere Gaus-e-aa'zam hisbatan-lillaah

za shar fitna-e-husaad yaa mahbuub-e-sub.haanii

Gulaam-e-KHaandaanii huu.n ki tere dar ke KHaadim the

mire vaalid mire ajdaad yaa mahbuub-e-sub.haanii

rahe.n fazl-o-karam se tere har dam kHurram-o-shaadaa.n

mire ahbaab aur aulaad yaa mahbuub-e-sub.haanii

Gam-e-duurii se huu.n naashaad yaa mahbuub-e-sub.haanii

zaraa san lo mirii fariyaad yaa mahbuub-e-sub.haanii

tirii qadmo.n ko hukm-e-haq se apne sar par rakhte the

sabhii aqtaab aur afraad yaa mahbuub-e-sub.haanii

laqab Gaus-e-do 'aalam hai tiraa saare zamaana me.n

mujhe bhii Gam se kar aazaad yaa mahbuub-e-sub.haanii

kyaa inkaar jis ne aap kii taqdiim se shaahaa

hu.aa fil-faur vo barbaad yaa mahbuub-e-sub.haanii

tire hii dam-qadam se rashk-e-baaG-e-kHuld hai be-shak

fizaa-e-hazrat baGdaad yaa mahbuub-e-sub.haanii

fanaa kar yaad me.n apnii mujhe aisaa ki terii hii

rahe aaTho.n pahar bas yaad yaa mahbuub-e-sub.haanii

nahii.n hai KHauf kuchh mujh ko sunaa jab se kiyaa tum ne

muriidii laa-takHaf irshaad yaa mahbuub-e-sub.haanii

bachaa lo mujh ko mere Gaus-e-aa'zam hisbatan-lillaah

za shar fitna-e-husaad yaa mahbuub-e-sub.haanii

Gulaam-e-KHaandaanii huu.n ki tere dar ke KHaadim the

mire vaalid mire ajdaad yaa mahbuub-e-sub.haanii

rahe.n fazl-o-karam se tere har dam kHurram-o-shaadaa.n

mire ahbaab aur aulaad yaa mahbuub-e-sub.haanii