salaatiin-e-jahaa.n ke dil me.n armaan-e-Gulaamii hai

salaatiin-e-jahaa.n ke dil me.n armaan-e-Gulaamii hai

'ajab shaahaana darbaar-e-shahanshaah-e-giraamii hai

balaa.e.n radd masaa.ib duur dil masruur hote hai.n

vo mas'uud-o-mubaarak mustafaa kaa naam-e-naamii hai

hai is ummiid par dil me.n yaqiin-e-maGfirat paiham

gunahgaaraan-e-ummat kaa shafii-e'-hashr haamii hai

hai saaqii shiisha bar-kaf KHuld kii ra.ngii.n fazaa.o.n me.n

lab-e-kausar taraqqii par junuun-e-tishna-kaamii hai

had-e-idraak se baalaa hai auj-e-gumbad-e-kHazraa

zamii.n bos-e-haram hai aasmaa.n duniyaa salaamii hai

tirii majlis hai shaahaa vo musaavaat-e-aafrii.n majlis

jahaa.n yaksaa.n 'iraaqii maGribii hindii-o-shaamii hai

fuGaa.n muslim kii sun hujra se uTh ai saahib-e-nusrat

ki har lab par fa-qum qum yaa habiibii kam-tanaamii hai

rasaa.ii hai 'shakiil' us saf me.n maddaah-e-risaalat kii

jahaa.n ruumii jahaa.n kHurav jahaa.n jaamii nizaamii hai

salaatiin-e-jahaa.n ke dil me.n armaan-e-Gulaamii hai

'ajab shaahaana darbaar-e-shahanshaah-e-giraamii hai

balaa.e.n radd masaa.ib duur dil masruur hote hai.n

vo mas'uud-o-mubaarak mustafaa kaa naam-e-naamii hai

hai is ummiid par dil me.n yaqiin-e-maGfirat paiham

gunahgaaraan-e-ummat kaa shafii-e'-hashr haamii hai

hai saaqii shiisha bar-kaf KHuld kii ra.ngii.n fazaa.o.n me.n

lab-e-kausar taraqqii par junuun-e-tishna-kaamii hai

had-e-idraak se baalaa hai auj-e-gumbad-e-kHazraa

zamii.n bos-e-haram hai aasmaa.n duniyaa salaamii hai

tirii majlis hai shaahaa vo musaavaat-e-aafrii.n majlis

jahaa.n yaksaa.n 'iraaqii maGribii hindii-o-shaamii hai

fuGaa.n muslim kii sun hujra se uTh ai saahib-e-nusrat

ki har lab par fa-qum qum yaa habiibii kam-tanaamii hai

rasaa.ii hai 'shakiil' us saf me.n maddaah-e-risaalat kii

jahaa.n ruumii jahaa.n kHurav jahaa.n jaamii nizaamii hai