dil mubtalaa-e-ulfat-e-kHairul-anaam hai

dil mubtalaa-e-ulfat-e-kHairul-anaam hai

haasil nafs nafs ko 'uruuj-e-davaam hai

'aalam tamaam sarf-e-daruud-o-salaam hai

shaayad mirii zabaa.n pe mohammad kaa naam hai

hijr-e-nabii ko gardish-e-dauraa.n se kyaa Garaz

duniyaa-e-aarzuu me.n sahar hai na shaam hai

KHam kyuu.n sar-e-niyaaz na ho tere hukm par

teraa jo hukm hai vo KHudaa kaa payaam hai

zaahid hai bazm-e-hashr me.n sharminda-e-'amal

rindaan-e-mustafaa me.n vahii shaGl-e-jaam hai

duniyaa kii daulato.n kii nahii.n aarzuu mujhe

mujh ko to sirf terii mohabbat se kaam hai

vallaah juzv-e-taa’at-e-haq hai tiraa KHayaal

jo tujh se duur ho vo 'ibaadat haraam hai

faiz-e-nabii se dasht bhii jannat hai ai 'shakiil'

kitnaa buland ahl-e-junuu.n kaa maqaam hai

dil mubtalaa-e-ulfat-e-kHairul-anaam hai

haasil nafs nafs ko 'uruuj-e-davaam hai

'aalam tamaam sarf-e-daruud-o-salaam hai

shaayad mirii zabaa.n pe mohammad kaa naam hai

hijr-e-nabii ko gardish-e-dauraa.n se kyaa Garaz

duniyaa-e-aarzuu me.n sahar hai na shaam hai

KHam kyuu.n sar-e-niyaaz na ho tere hukm par

teraa jo hukm hai vo KHudaa kaa payaam hai

zaahid hai bazm-e-hashr me.n sharminda-e-'amal

rindaan-e-mustafaa me.n vahii shaGl-e-jaam hai

duniyaa kii daulato.n kii nahii.n aarzuu mujhe

mujh ko to sirf terii mohabbat se kaam hai

vallaah juzv-e-taa’at-e-haq hai tiraa KHayaal

jo tujh se duur ho vo 'ibaadat haraam hai

faiz-e-nabii se dasht bhii jannat hai ai 'shakiil'

kitnaa buland ahl-e-junuu.n kaa maqaam hai