ho na taufiiq gar nadaamat kii

ho na taufiiq gar nadaamat kii

baarishe.n bhii na ho.ngii rahmat kii

KHud ko baazaarii kar diyaa lekin

bhuuk phir bhii miTii na shohrat kii

rahmato.n se hu.aa hai ghar raushan

raat ro-ro ke jab tilaavat kii

rizq mehnat kaa le ke ghar pahu.nchaa

dii du.aa raasto.n ne barakat kii

aasmaano.n pe chhaa ga.e baadal

pyaas ham ko lagii hai shiddat kii

shaa.irii daras hai mohabbat kaa

nahii.n gunjaa.ish is me.n nafrat kii

is ko izzat ataa kī allaah ne

jis ne chhoTe ba.De kii 'izzat kii

par lagaa.e havaa ne ai 'asfii'

jab bhii u.Dne kii mai.n ne niiyat kii

ho na taufiiq gar nadaamat kii

baarishe.n bhii na ho.ngii rahmat kii

KHud ko baazaarii kar diyaa lekin

bhuuk phir bhii miTii na shohrat kii

rahmato.n se hu.aa hai ghar raushan

raat ro-ro ke jab tilaavat kii

rizq mehnat kaa le ke ghar pahu.nchaa

dii du.aa raasto.n ne barakat kii

aasmaano.n pe chhaa ga.e baadal

pyaas ham ko lagii hai shiddat kii

shaa.irii daras hai mohabbat kaa

nahii.n gunjaa.ish is me.n nafrat kii

is ko izzat ataa kī allaah ne

jis ne chhoTe ba.De kii 'izzat kii

par lagaa.e havaa ne ai 'asfii'

jab bhii u.Dne kii mai.n ne niiyat kii