terii qudrat ke nazaare hai.n jahaa.n me.n be-shumaar
mai.n tiraa banda huu.n yaa rab tuu miraa parvardigaar
tuu jise chaahe use haasil ho tirii ne.amate.n
maa-sivaa tere nahii.n kuchh bhii kisii ko iKHtiyaar
kHaaliq-o-maalik hai tuu aur tuu ravaaq hai
chal rahe hai.n terii marzii se sabhii ke kaarobaar
laa.eq sajda hai terii zaat ye iimaan hai
maa-sivaa teraa nahii.n hai ko.ii meraa kirdgaar
maantaa huu.n servar-e-kaunain ko apnaa nabii
isliye karataa huu.n yaa-rab un pe jaan-o-dil nisaar
ko.ii aisii shai nahii.n jis me.n tirii qudrat na ho
zarra-zarra terii KHilqat me.n hai behad shaandaar
ek 'shaariq' hii nahii.n hai sab tire mohtaaj hai.n
dar-guzar merii KHataa.e.n kar de ai parvardigaar
terii qudrat ke nazaare hai.n jahaa.n me.n be-shumaar
mai.n tiraa banda huu.n yaa rab tuu miraa parvardigaar
tuu jise chaahe use haasil ho tirii ne.amate.n
maa-sivaa tere nahii.n kuchh bhii kisii ko iKHtiyaar
kHaaliq-o-maalik hai tuu aur tuu ravaaq hai
chal rahe hai.n terii marzii se sabhii ke kaarobaar
laa.eq sajda hai terii zaat ye iimaan hai
maa-sivaa teraa nahii.n hai ko.ii meraa kirdgaar
maantaa huu.n servar-e-kaunain ko apnaa nabii
isliye karataa huu.n yaa-rab un pe jaan-o-dil nisaar
ko.ii aisii shai nahii.n jis me.n tirii qudrat na ho
zarra-zarra terii KHilqat me.n hai behad shaandaar
ek 'shaariq' hii nahii.n hai sab tire mohtaaj hai.n
dar-guzar merii KHataa.e.n kar de ai parvardigaar
Source :
- Book : Afkar-e-Shariq (Pg. 21)
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
