تیری قدرت کے نظارے ہیں جہاں میں بے_شمار

تیری قدرت کے نظارے ہیں جہاں میں بے شمار

میں ترا بندہ ہوں یا رب تو مرا پروردگار

تو جسے چاہے اسے حاصل ہو تری نعمتیں

ماسوا تیرے نہیں کچھ بھی کسی کو اختیار

خالق و مالک ہے تو اور تو رزاق ہے

چل رہے ہیں تیری مرضی سے سبھی کے کاروبار

لائق سجدہ ہے تیری ذات یہ ایمان ہے

ماسوا تیرا نہیں ہے کوئی میرا کردگار

مانتا ہوں سرور کونین کو اپنا نبی

اس لیے کرتا ہوں یا رب ان پہ جان و دل نثار

کوئی ایسی شئے نہیں جس میں تری قدرت نہ ہو

ذرہ ذرہ تیری خلقت میں ہے بے حد شاندار

ایک شارقؔ ہی نہیں ہے سب ترے محتاج ہیں

در گزر میری خطائیں کر دے اے پروردگار