ho kaise fikr-e-insaanii ko yaaraa terii rahmat kaa

ho kaise fikr-e-insaanii ko yaaraa terii rahmat kaa

KHudaa-e-paak hii KHud mad.h-KHvaa.n hai terii 'azmat kaa

zabaa.n qaa.il sadaaqat kii 'amal haamil amaanat kaa

ye adnaa mo.ajiza thaa tere aaGaaz-e-nubuuvat kaa

jahaan-e-KHaak thaa mahrūm saa.e se tere lekin

rahaa ahl-e-jahaa.n ke sar pe saaya terii rahmat kaa

vo KHaak-e-paak-e-yasrib vo muqaddas sar-zamii.n jis se

jahaan-e-KHaak ko rutba milaa firdaus-e-jannat kaa

jhukaate hai.n jabii.n aakar jahaa.n 'ilm-o-hunar vaale

jahaa.n jhuktaa hai sar aakar shahanshaaho.n kii shaukat kaa

vahii.n kii KHaak ke aaGosh me.n insaaniyat jaagii

vahii.n chamkaa sitaaraa nau-e’-insaa.n kii sharaafat kaa

vahii.n aayaa muqaabil husn-e-ma.anii husn-e-suurat ke

nazar aayaa jahaan-e-KHaak ko jalva mohabbat kaa

mohabbat ne tamannaa.o.n ko zauq-e-justujuu baKHshaa

ye zauq-e-justujuu hai valvala tujh se 'aqiidat kaa

usii ik valvale se zindagii ne aabruu paa.ii

yahii ik valvala hai nuur-e-iimaa.n terii ummat kaa

bas ai zor-e-qalam ruk jaa kahaa.n tak ye suKHan-raanii

na yaaraa sher-go.ii kaa na da.avaa 'ilm-o-hikmat kaa

yahii do chaar she’r-e-na’at hai.n bas kaa.inaat apnii

yahii hai ik vasiila be-sahaaro.n kii sa’aadat kaa

ubhartaa hai jo aa.nkho.n me.n kabhii aa.nsuu nadaamat se

sitaara hai yahii ham se gunahgaaro.n kii qismat kaa

ho kaise fikr-e-insaanii ko yaaraa terii rahmat kaa

KHudaa-e-paak hii KHud mad.h-KHvaa.n hai terii 'azmat kaa

zabaa.n qaa.il sadaaqat kii 'amal haamil amaanat kaa

ye adnaa mo.ajiza thaa tere aaGaaz-e-nubuuvat kaa

jahaan-e-KHaak thaa mahrūm saa.e se tere lekin

rahaa ahl-e-jahaa.n ke sar pe saaya terii rahmat kaa

vo KHaak-e-paak-e-yasrib vo muqaddas sar-zamii.n jis se

jahaan-e-KHaak ko rutba milaa firdaus-e-jannat kaa

jhukaate hai.n jabii.n aakar jahaa.n 'ilm-o-hunar vaale

jahaa.n jhuktaa hai sar aakar shahanshaaho.n kii shaukat kaa

vahii.n kii KHaak ke aaGosh me.n insaaniyat jaagii

vahii.n chamkaa sitaaraa nau-e’-insaa.n kii sharaafat kaa

vahii.n aayaa muqaabil husn-e-ma.anii husn-e-suurat ke

nazar aayaa jahaan-e-KHaak ko jalva mohabbat kaa

mohabbat ne tamannaa.o.n ko zauq-e-justujuu baKHshaa

ye zauq-e-justujuu hai valvala tujh se 'aqiidat kaa

usii ik valvale se zindagii ne aabruu paa.ii

yahii ik valvala hai nuur-e-iimaa.n terii ummat kaa

bas ai zor-e-qalam ruk jaa kahaa.n tak ye suKHan-raanii

na yaaraa sher-go.ii kaa na da.avaa 'ilm-o-hikmat kaa

yahii do chaar she’r-e-na’at hai.n bas kaa.inaat apnii

yahii hai ik vasiila be-sahaaro.n kii sa’aadat kaa

ubhartaa hai jo aa.nkho.n me.n kabhii aa.nsuu nadaamat se

sitaara hai yahii ham se gunahgaaro.n kii qismat kaa