kahaa.n se bayaa.n hogii shaan-e-mohammad

kahaa.n se bayaa.n hogii shaan-e-mohammad

hai lafzo.n se aage bayaan-e-mohammad

do a.alam hii tanhaa nahii.n hai sanaa-KHvaa.n

KHudaa bhii hai naGma-kunaan-e-mohammad

jo jibriil qur.aan le kar hai.n aa.e

vo parvarda-e-aan-o-baan-e-mohammad

mohabbat ne jis se hai taariif paa.ii

vo hai niim shab kaa makaan-e-mohammad

quduum-e-nabii kaa asar hai ke ab tak

falak Dhuu.nDhtaa hai nishaan-e-mohammad

zahe sidaq-e-siddiiq adl-e-omar aur

hayaa-e-Ganii tohfa-daan-e-mohammad

gunaaho.n se baKHshish kaa saamaan hogaa

mile mujh ko gar ik amaan-e-mohammad

ye kul ambiyaa un kii tamhiid Thahre

ye kul auliyaa hai.n bayaan-e-mohammad

alii faatima aur husain-o-hasan sab

hai.n maah-e-mubii.n zau-fishaan-e-mohammad

nabii kii ataa se mile aise murshid

hai.n naam-e-KHudaa aur nishaan-e-mohammad

'asar' ne sanaa-gar ne fankaar logo.n

hai KHasta saa sag az sagaan-e-mohammad

kahaa.n se bayaa.n hogii shaan-e-mohammad

hai lafzo.n se aage bayaan-e-mohammad

do a.alam hii tanhaa nahii.n hai sanaa-KHvaa.n

KHudaa bhii hai naGma-kunaan-e-mohammad

jo jibriil qur.aan le kar hai.n aa.e

vo parvarda-e-aan-o-baan-e-mohammad

mohabbat ne jis se hai taariif paa.ii

vo hai niim shab kaa makaan-e-mohammad

quduum-e-nabii kaa asar hai ke ab tak

falak Dhuu.nDhtaa hai nishaan-e-mohammad

zahe sidaq-e-siddiiq adl-e-omar aur

hayaa-e-Ganii tohfa-daan-e-mohammad

gunaaho.n se baKHshish kaa saamaan hogaa

mile mujh ko gar ik amaan-e-mohammad

ye kul ambiyaa un kii tamhiid Thahre

ye kul auliyaa hai.n bayaan-e-mohammad

alii faatima aur husain-o-hasan sab

hai.n maah-e-mubii.n zau-fishaan-e-mohammad

nabii kii ataa se mile aise murshid

hai.n naam-e-KHudaa aur nishaan-e-mohammad

'asar' ne sanaa-gar ne fankaar logo.n

hai KHasta saa sag az sagaan-e-mohammad