alii murtazaa laala-zaar-e-mohammad

alii murtazaa laala-zaar-e-mohammad

nigaar-e-KHudaa gul-ezaar-e-mohammad

saraapaa nabii kaa saraapaa alii hai.n

yuu.n Thahre alii yaadgaar-e-mohammad

dayaar-e-nabii ke talab-gaar sun lo

dar-e-murtazaa hai dayaar-e-mohammad

alii ke binaa to nabii na mile.nge

hai raushan bayaa.n ye qaraar-e-mohammad

do a.alam me.n jo kuchh baraa.e shifaa hai

vo gard-e-alii-o-Gubaar-e-mohammad

KHudaa laa.e din apnii aa.nkho.n se dekhuu.n

dar-e-murtazaa aur dayaar-e-mohammad

jahaan-e-valaa ke vo maah-e-mubii.n hai.n

alii nayyar-o-faiz-baar-e-mohammad

ko.ii isti.aara nabii kaa jo Thahre

to maulaa alii musta.aar-e-mohammad

jo hai vaaqif-e-sirr-o-raaz-e-nabii se

vo haidar hii hai.n raaz-daar-e-mohammad

imaam-e-alii se imaam-e-zamaa.n tak

gul-e-laala-o-gul bahaar-e-mohammad

vo gauhar jo durr-e-nabii-o-alii hai

vo hai.n faatima iftiKHaar-e-mohammad

fa.uuz-e-nabii jin se jaarii hu.e hai.n

vo ibn-e-alii aabshaar-e-mohammad

alii kii mohabbat hai merii mohabbat

ayaa.n hai ye qaul-o-qaraar-e-mohammad

'asar' apne murshid ke sadqe me.n dekhe

rukH-e-laala-o-dil bahaar-e-mohammad

alii murtazaa laala-zaar-e-mohammad

nigaar-e-KHudaa gul-ezaar-e-mohammad

saraapaa nabii kaa saraapaa alii hai.n

yuu.n Thahre alii yaadgaar-e-mohammad

dayaar-e-nabii ke talab-gaar sun lo

dar-e-murtazaa hai dayaar-e-mohammad

alii ke binaa to nabii na mile.nge

hai raushan bayaa.n ye qaraar-e-mohammad

do a.alam me.n jo kuchh baraa.e shifaa hai

vo gard-e-alii-o-Gubaar-e-mohammad

KHudaa laa.e din apnii aa.nkho.n se dekhuu.n

dar-e-murtazaa aur dayaar-e-mohammad

jahaan-e-valaa ke vo maah-e-mubii.n hai.n

alii nayyar-o-faiz-baar-e-mohammad

ko.ii isti.aara nabii kaa jo Thahre

to maulaa alii musta.aar-e-mohammad

jo hai vaaqif-e-sirr-o-raaz-e-nabii se

vo haidar hii hai.n raaz-daar-e-mohammad

imaam-e-alii se imaam-e-zamaa.n tak

gul-e-laala-o-gul bahaar-e-mohammad

vo gauhar jo durr-e-nabii-o-alii hai

vo hai.n faatima iftiKHaar-e-mohammad

fa.uuz-e-nabii jin se jaarii hu.e hai.n

vo ibn-e-alii aabshaar-e-mohammad

alii kii mohabbat hai merii mohabbat

ayaa.n hai ye qaul-o-qaraar-e-mohammad

'asar' apne murshid ke sadqe me.n dekhe

rukH-e-laala-o-dil bahaar-e-mohammad