علی مرتضیٰ لالہ_زار_محمد
علی مرتضیٰ لالہ زار محمد
نگار خدا گل عذار محمد
سراپا نبی کا سراپا علی ہیں
یوں ٹھہرے علی یادگار محمد
دیار نبی کے طلب گار سن لو
در مرتضیٰ ہے دیار محمد
علی کے بنا تو نبی نہ ملیں گے
ہے روشن بیاں یہ قرار محمد
دو عالم میں جو کچھ برائے شفا ہے
وہ گرد علی و غبار محمد
خدا لائے دن اپنی آنکھوں سے دیکھوں
در مرتضیٰ اور دیار محمد
جہان ولا کے وہ ماہ مبیں ہیں
علی نیر و فیض بار محمد
کوئی استعارہ نبی کا جو ٹھہرے
تو مولا علی مستعار محمد
جو ہے واقف سر و راز نبی سے
وہ حیدر ہی ہیں راز دار محمد
امام علی سے امام زماں تک
گل لالہ و گل بہار محمد
وہ گوہر جو در نبی و علی ہے
وہ ہیں فاطمہ افتخار محمد
فیوز نبی جن سے جاری ہوئے ہیں
وہ ابن علی آبشار محمد
علی کی محبت ہے میری محبت
عیاں ہے یہ قول و قرار محمد
اثرؔ اپنے مرشد کے صدقے میں دیکھے
رخ لالہ و دل بہار محمد
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
