shauq-e-vasf-e-murtaza me.n dil ne ho kar be-qaraar

shauq-e-vasf-e-murtaza me.n dil ne ho kar be-qaraar

gah pukaaraa yaa alii gah saahab-e-duldul-savaar

razm-gaah-e-haq-o-baatil me.n hai ye na.ara buland

laa-fitaa illaa-alii laa-saif illaa-zulfiqaar

sham.a-e-bait-e-kibriyaa teraa jamaal-e-haq-faroz

jis ke girdaa-gird phirtaa hai jahaa.n parvaana-vaar

jaan-e-jaa.n jaan-e-jahaa.n kii jaan terii jaan hai

tujh pe sab jaane.n fidaa ho.n tujh pe sab jaane.n nisaar

bint-e-ahmad dil kii raahat ghar kii ziinat hai tirii

is pe hai.n hasnain beTe ghar kii duunii hai bahaar

tere hone se milaa haq kaa pata haq kii qasam

tere hone ne jahaa.n me.n haq ko baKHshaa e'tibaar

terii hii shaane.n hai.n maulaa un kii suurat me.n ayaa.n

Gaus-o-kHvaaja shaah-e-kaliyar vaaris-o-shaah-e-madaar

tere mai-KHaane se piite hai.n to bante hai.n ka.ii

shiblii-o-mansuur-o-sarmad miisam-e-aalii-vaqaar

sach yahii hai barmalaa sau baar boluu.ngaa 'faraaz'

mad.h haidar ko mohammad chaahiye yaa kirdgaar

shauq-e-vasf-e-murtaza me.n dil ne ho kar be-qaraar

gah pukaaraa yaa alii gah saahab-e-duldul-savaar

razm-gaah-e-haq-o-baatil me.n hai ye na.ara buland

laa-fitaa illaa-alii laa-saif illaa-zulfiqaar

sham.a-e-bait-e-kibriyaa teraa jamaal-e-haq-faroz

jis ke girdaa-gird phirtaa hai jahaa.n parvaana-vaar

jaan-e-jaa.n jaan-e-jahaa.n kii jaan terii jaan hai

tujh pe sab jaane.n fidaa ho.n tujh pe sab jaane.n nisaar

bint-e-ahmad dil kii raahat ghar kii ziinat hai tirii

is pe hai.n hasnain beTe ghar kii duunii hai bahaar

tere hone se milaa haq kaa pata haq kii qasam

tere hone ne jahaa.n me.n haq ko baKHshaa e'tibaar

terii hii shaane.n hai.n maulaa un kii suurat me.n ayaa.n

Gaus-o-kHvaaja shaah-e-kaliyar vaaris-o-shaah-e-madaar

tere mai-KHaane se piite hai.n to bante hai.n ka.ii

shiblii-o-mansuur-o-sarmad miisam-e-aalii-vaqaar

sach yahii hai barmalaa sau baar boluu.ngaa 'faraaz'

mad.h haidar ko mohammad chaahiye yaa kirdgaar