حق و باطل کا پتہ ہے کربلا

حق و باطل کا پتہ ہے کربلا

دینِ احمد کی بقا ہے کربلا

پوچھتے کیا ہو کی کیا ہے کربلا

مرکزِ صبر و رضا ہے کربلا

ناز کر تو اے زمینِ کربلا

شاہ نے تجھکو چنا ہے کربلا

کیوں معلیٰ ہو نہ تیری یہ زمیں

جب قدم شہ نے رکھا ہے کربلا

سن کے وہ ظلم و ستم کی داستاں

رو رہا سارا جہاں ہے کربلا

اے پیمبر کی نواسی بالیقیں

تیری محنت کا صلہ ہے کربلا

صورتِ عباس میں دیکھو ذرا

ہاں وفا کی انتہا ہے کربلا

مٹ نہیں سکتا کبھی تیرا نشاں

شاہ نے کچھ یوں لکھا ہے کربلا

حُر بناتے ہیں جہاں پر آج بھی

ہاں زمیں پر وہ جگہ ہے کربلا

ہم غلاموں کے لیے تو اے حسنؔ

بالیقیں باغِ جناں ہے کربلا