شاہ کربل کی عطا ہے حضرتِ مسلم پیا

شاہ کربل کی عطا ہے حضرتِ مسلم پیا

عاشقِ آلِ عبا ہے حضرتِ مسلم پیا

نائبِ سرکار ہیں اور وارثِ مولیٰ علی

آلِ پاکِ سیدہ ہے حضرتِ مسلم پیا

میراں بابا اور غوث و خواجہ کے کردار کا

تم میں جلوہ رونما ہے حضرتِ مسلم پیا

جو ادا کرنے نمازِ عشق صف میں ہیں کھڑے

ان سبھی کے مقتدیٰ ہے حضرتِ مسلم پیا

مانگنے آیا جو تیرے در پہ وہ یہ کہہ پڑا

معدنِ جود و سخا ہے حضرتِ مسلم پیا

تیرا رتبہ کیا سمجھ پائے گی دنیا یہ بھلا

ہر بشر سے تو ورا ہے حضرتِ مسلم پیا

بزمِ عرفان و طریقت کے تمہی ہو پیشوا

رہبرِ راہِ ہدیٰ ہے حضرتِ مسلم پیا

سر زمینِ ہند میں اور سر زمیں نیپال میں

تیری خدمت سے ضیا ہے حضرتِ مسلم پیا

ایک عرصہ تو نے کی ہے خدمتِ دینِ نبی

بالیقیں تُو رہنما ہے حضرتِ مسلم پیا

صدقہ دو والد کا اپنے اور دادا جان کا

در پہ سائل کہہ رہا ہے حضرتِ مسلم پیا

بٹ رہا ہے فیضِ احمد در سے تیرے ہر گھڑی

آستاں ایسا تیرا ہے حضرتِ مسلم پیا

نوری تیرا کل گھرانہ اصل تیرا نور ہے

نوری تیرا سرتا پا ہے حضرتِ مسلم پیا

بالیقیں بیٹا ترا اے والیِ بکوا مرے

ناشرِ کُل سلسلہ ہے حضرتِ مسلم پیا

دو جگہ اپنے حسنؔ کو دامنِ پُر نور میں

آپ سے یہ التجا ہے حضرتِ مسلم پیا

منقبت تیری بھلا کیا لکھ سکے گا یہ حسنؔ

جو لکھا اُس سے سوا ہے حضرتِ مسلم پیا