marhabaa salle-'alaa fakHr-e-umam vo shaah-e-dii.n

marhabaa salle-'alaa fakHr-e-umam vo shaah-e-dii.n

jin ke dar kii KHaak se raushan hai 'aalam kii jabii.n

gauhar-e-durj-e-siyaadat ruu-kash-e-maah-e-mubii.n

nayyar-e-rakHshanda-e-charkH-e-risaalat be-chunii.n

ai KHushaa shamsuzzuhaa badruddujaa sadr-ul-’olaa

hazrat-e-aadam kii peshaanii ke nuur-e-avvalii.n

farsh-e-paa andaaz un kaa Gairat-e-baaG-e-bahisht

rashk-e-haft aflaak hai jin ke qadam se ye zamii.n

dii shab-e-me'araaj vo rif'at unhe.n allaah ne

aap ke qadmo.n ke niiche aa gayaa 'arsh-e-barii.n

shauq dil me.n ham-rakaabii kaa nazar anjaam par

rah gayaa par toltaa hii taa.er-e-sidra-nashii.n

ittisaal-e-qatra-o-dariyaa jise samjhaa gayaa

kab hu.aa banda ko.ii yuu.n apne maalik ke qarii.n

kar dii har ne.amat KHudaa ne zaat-e-aqdas par tamaam

kyaa kisii se ho.n raqam ausaaf-e-kHatm-e-mursalii.n

lau na degii tiira dil me.n ko.ii sham'-e-laa-ilaah

ho na jab tak soz-e-'ishq-e-mustafaa bhii bil-yaqii.n

jis kii gardan me.n nahii.n tauq-e-Gulaamii-e-rasuul

laakh sar maare kabhii momin vo ho saktaa nahii.n

mai.n mirii aulaad mere baap maa.n tum par nisaar

ai mire muzammil-o-mudassir-o-hablil-matii.n

'barq'-e-'aasii par karam kii ik nazar farmaa.iye

yaa shafii'-ul-muznabii.n yaa rahmtullil-'aalamii.n

marhabaa salle-'alaa fakHr-e-umam vo shaah-e-dii.n

jin ke dar kii KHaak se raushan hai 'aalam kii jabii.n

gauhar-e-durj-e-siyaadat ruu-kash-e-maah-e-mubii.n

nayyar-e-rakHshanda-e-charkH-e-risaalat be-chunii.n

ai KHushaa shamsuzzuhaa badruddujaa sadr-ul-’olaa

hazrat-e-aadam kii peshaanii ke nuur-e-avvalii.n

farsh-e-paa andaaz un kaa Gairat-e-baaG-e-bahisht

rashk-e-haft aflaak hai jin ke qadam se ye zamii.n

dii shab-e-me'araaj vo rif'at unhe.n allaah ne

aap ke qadmo.n ke niiche aa gayaa 'arsh-e-barii.n

shauq dil me.n ham-rakaabii kaa nazar anjaam par

rah gayaa par toltaa hii taa.er-e-sidra-nashii.n

ittisaal-e-qatra-o-dariyaa jise samjhaa gayaa

kab hu.aa banda ko.ii yuu.n apne maalik ke qarii.n

kar dii har ne.amat KHudaa ne zaat-e-aqdas par tamaam

kyaa kisii se ho.n raqam ausaaf-e-kHatm-e-mursalii.n

lau na degii tiira dil me.n ko.ii sham'-e-laa-ilaah

ho na jab tak soz-e-'ishq-e-mustafaa bhii bil-yaqii.n

jis kii gardan me.n nahii.n tauq-e-Gulaamii-e-rasuul

laakh sar maare kabhii momin vo ho saktaa nahii.n

mai.n mirii aulaad mere baap maa.n tum par nisaar

ai mire muzammil-o-mudassir-o-hablil-matii.n

'barq'-e-'aasii par karam kii ik nazar farmaa.iye

yaa shafii'-ul-muznabii.n yaa rahmtullil-'aalamii.n