tirii shaan sab se judaa Gaus-e-aa'zam
Interesting Fact
منقبت درشان غوث اعظم شیخ عبدالقادر جیلانی (بغداد۔عراق)
tirii shaan sab se judaa Gaus-e-aa'zam
na pahu.nche tujhe auliyaa Gaus-e-aa'zam
jamaal-e-rasuul-e-KHudaa Gaus-e-aa'zam
jalaal-e-'alii murtazaa Gaus-e-aa'zam
mizaaj-e-husain-e-ibn-e-zahraa ke vaaris
shabiih-e-hasan mujtabaa Gaus-e-aa'zam
ijaabat ba.Dhe peshvaa.ii ko aage
uThaa.e.n jo dast-e-du.aa Gaus-e-aa'zam
na kyuu.n hal ho.n mushkil se mushkil masaa.il
ki hai.n ibn-e-mushkil-kushaa Gaus-e-aa'zam
rasuulo.n ke andaaz nabiyo.n ke tevar
vadii.at hu.e tujh ko yaa Gaus-e-aa'zam
zamaane kaa har piir zer-e-qadam hai
hai.n aise jagat peshvaa Gaus-e-aa'zam
pahu.nchtii hai phir kaise nusrat KHudaa kii
zaraa kah ke to dekh yaa Gaus-e-aa'zam
nahii.n hai ko.ii aur saare jahaa.n me.n
miraa piir tere sivaa Gaus-e-aa'zam
zaraa jalva-e-mustafaa mai.n bhii dekhuu.n
zaraa suurat apnii dikhaa Gaus-e-aa'zam
tiraa daur afsos paayaa na mai.n ne
kabhii KHvaab hii me.n to aa Gaus-e-aa'zam
na uTThe hai.n KHaalii na uTThe.nge KHaalii
tire dar se tere gadaa Gaus-e-aa'zam
'inaayat se bhar diijiye merii jholii
karam kiijiye aaj yaa Gaus-e-aa'zam
masaa.ib ke tuufaa.n se Takraa rahaa huu.n
me.n le kar teraa aasraa Gaus-e-aazam
hu.aa hai na hogaa na hai is jahaa.n me.n
ko.ii aur tere sivaa Gaus-e-aazam
kujaa yak gadaa-o-kujaa shaah-e-jiilaa.n
kujaa yak faqiir-o-kujaa Gaus-e-aazam
sunaa.uu.n na kyuuñ un ko afsaana-e-dil
ki hai.n mere dard-aashnaa Gaus-e-aazam
agar in se lo daras-e-tauhiid tum bhii
to kar de.n tumhe.n kyaa se kyaa Gaus-e-aazam
durustii aqaa.ed kii kar lo ya.nh par
ki hai.n qibla-e-haq-numaa Gaus-e-aazam
'nasiir' aaj aayaa hai ban kar savaalii
ise bhii mile bhiik yaa Gaus-e-aazam
tirii shaan sab se judaa Gaus-e-aa'zam
na pahu.nche tujhe auliyaa Gaus-e-aa'zam
jamaal-e-rasuul-e-KHudaa Gaus-e-aa'zam
jalaal-e-'alii murtazaa Gaus-e-aa'zam
mizaaj-e-husain-e-ibn-e-zahraa ke vaaris
shabiih-e-hasan mujtabaa Gaus-e-aa'zam
ijaabat ba.Dhe peshvaa.ii ko aage
uThaa.e.n jo dast-e-du.aa Gaus-e-aa'zam
na kyuu.n hal ho.n mushkil se mushkil masaa.il
ki hai.n ibn-e-mushkil-kushaa Gaus-e-aa'zam
rasuulo.n ke andaaz nabiyo.n ke tevar
vadii.at hu.e tujh ko yaa Gaus-e-aa'zam
zamaane kaa har piir zer-e-qadam hai
hai.n aise jagat peshvaa Gaus-e-aa'zam
pahu.nchtii hai phir kaise nusrat KHudaa kii
zaraa kah ke to dekh yaa Gaus-e-aa'zam
nahii.n hai ko.ii aur saare jahaa.n me.n
miraa piir tere sivaa Gaus-e-aa'zam
zaraa jalva-e-mustafaa mai.n bhii dekhuu.n
zaraa suurat apnii dikhaa Gaus-e-aa'zam
tiraa daur afsos paayaa na mai.n ne
kabhii KHvaab hii me.n to aa Gaus-e-aa'zam
na uTThe hai.n KHaalii na uTThe.nge KHaalii
tire dar se tere gadaa Gaus-e-aa'zam
'inaayat se bhar diijiye merii jholii
karam kiijiye aaj yaa Gaus-e-aa'zam
masaa.ib ke tuufaa.n se Takraa rahaa huu.n
me.n le kar teraa aasraa Gaus-e-aazam
hu.aa hai na hogaa na hai is jahaa.n me.n
ko.ii aur tere sivaa Gaus-e-aazam
kujaa yak gadaa-o-kujaa shaah-e-jiilaa.n
kujaa yak faqiir-o-kujaa Gaus-e-aazam
sunaa.uu.n na kyuuñ un ko afsaana-e-dil
ki hai.n mere dard-aashnaa Gaus-e-aazam
agar in se lo daras-e-tauhiid tum bhii
to kar de.n tumhe.n kyaa se kyaa Gaus-e-aazam
durustii aqaa.ed kii kar lo ya.nh par
ki hai.n qibla-e-haq-numaa Gaus-e-aazam
'nasiir' aaj aayaa hai ban kar savaalii
ise bhii mile bhiik yaa Gaus-e-aazam
- Book : Kulliyat-e-Naseer Gilani (Pg. 1188)
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
